ନବରଙ୍ଗପୁର: ସାଧାରଣ ନିର୍ବାଚନ ସହ ରାଜ୍ୟ ବିଧାନସଭା ନିର୍ବାଚନ ପାଇଁ ଏବେ ରାଜ୍ୟ ରାଜନୀତି ସରଗରମ ହୋଇପଡିଥିବାବେଳେ ଆଦିବାସୀ ବହୁଳ ନବରଙ୍ଗପୁରରେ ମଧ୍ୟ ଏହାର ଜୋରଦାର ପ୍ରଭାବ ପଡିଛି । ନବରଙ୍ଗପୁରର ଗାଁରରୁସହରରଯାଏଁ ଏବେ ଗୋଟିଏ ଚର୍ଚ୍ଚାକିଏ ହେବ ନବରଙ୍ଗପୁରର ବାଜିଗର । ସେପଟେ ନବରଙ୍ଗପୁରର ସବୁ ରାଜନୈତିକ ଦଳ ଭୋଟ ହାତେଇବା ପାଇଁ ଜନତାଙ୍କ ଦୁଆର ମୁହାଁ ହେବାରେ ଲାଗିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
କଂଗ୍ରେସ ଦଳର ଗଡ ହୋଇରହିଥିବା ଆଦିବାସୀ ବହୁଳ ନବରଙ୍ଗପୁର ସମୟ କ୍ରମେ ଅଣକଂଗ୍ରେସରେ ପରିଣତ ହୋଇଛି । ଏହି ମାଟିରେ ଜନ୍ମ ଗ୍ରହଣ କରି କଂଗ୍ରେସ ନେତା ସ୍ୱର୍ଗତ ସଦାଶିବ ତ୍ରିପାଠୀ 1965-1967ପର୍ଯ୍ୟନ୍ତ ଓଡିଶାର ପଞ୍ଚମ ମୁଖ୍ୟମନ୍ତ୍ରୀ ହୋଇଥିଲେ । ଦିନଥିଲା ଏହି ଆଦିବାସୀ ବହୁଳ ଜିଲ୍ଲା କଂଗ୍ରେସର ଗଡ ହୋଇରହିଥିଲା । ଗତ 2009 ମସିହାରେ ନବରଙ୍ଗପୁର ଆସନଟି ଆଦିବାସୀଙ୍କ ଲାଗି ସଂରକ୍ଷିତ ହେବାପରେ ବିଜେଡିରୁ ପ୍ରାର୍ଥୀ ହୋଇ ମନୋହର ରନ୍ଧାରୀ ଲଗାତାର ବିଜୟୀ ହୋଇ ଆସୁଛନ୍ତି ।