ନବରଙ୍ଗପୁର:ପୌର ନିର୍ବାଚନ ପାଇଁ ସାରା ରାଜ୍ୟରେ ନିର୍ବାଚନୀ ମାହୋଲ ସରଗରମ । ନବରଙ୍ଗପୁରରେ ମଧ୍ୟ ନିର୍ବାଚନୀ ତାତି ଦେଖିବାକୁ ମିଳିଛି । ବିଜେଡ଼ି, ବିଜେପି ଓ କଂଗ୍ରେସ ପକ୍ଷରୁ ପ୍ରଚାର କାର୍ଯ୍ୟ ଏଠାରେ ଜୋରଦାର ଚାଲିଛି ।
Odisha Municipal Election: ପୌରା ଅଧ୍ୟକ୍ଷ ପଦବୀ ହାତେଇବା ପାଇଁ ନବରଙ୍ଗପୁର ବିଜେଡିର ବୈଠକ
ପୌର ନିର୍ବାଚନରେ ବିଜେଡି କିପରି ପୌର ଅଧ୍ୟକ୍ଷ ପଦବୀ ଦଖଲ କରିବ ସେନେଇ ରଣନୀତି ପ୍ରସ୍ତୁତ କରିଛନ୍ତି ପୂର୍ବତନ ସାଂସଦ ତଥା ବରିଷ୍ଠ ବିଜେଡି ନେତା ପ୍ରଦୀପ ମାଝୀ । ଏନେଇ ସହରର ସଂଖ୍ୟାଲଘୁ ସମ୍ପ୍ରଦାୟର ଲୋକମାନଙ୍କୁ ନେଇ ବରିଷ୍ଠ ବିଜେଡି ନେତା ପ୍ରଦୀପ ମାଝୀ ଏକ ଗୁରୁତ୍ୱପୂର୍ଣ୍ଣ ବୈଠକ କରିଛନ୍ତି ।ମୁସଲିମ ସମ୍ପ୍ରଦାୟର ଶତାଧିକ ମୁଖିଆ ମାନେ ଏଥିରେ ଯୋଗଦେଇ ଥିବା ବେଳେ ଶୁକ୍ରବାର ଥିବାରୁ ନମାଜ ପାଠ ସରିବା ପରେ ଏହି ବୈଠକ ଅନୁଷ୍ଠିତ ହୋଇଥିଲା ।