ନାବାଳିକାଙ୍କୁ ଅପହରଣ ଦୁଷ୍କର୍ମ ମାମଲା, ଅଭିଯୁକ୍ତ ଅଟକ

ନବରଙ୍ଗପୁରରେ ନାବାଳିକାଙ୍କୁ ଅପହରଣ ପରେ ଦୁଷ୍କର୍ମ ମାମଲାର ଅଭିଯୁକ୍ତ ଅଟକ । ପଚରାଉଚରା କରୁଛି ପୋଲିସ । ଅଧିକ ପଢନ୍ତୁ...

ନବରଙ୍ଗପୁର:ଜିଲ୍ଲା ପାପଡାହାଣ୍ଡି ଅଞ୍ଚଳର ଜଣେ ନାବାଳିକାଙ୍କୁ ଅପହରଣ ପରେ ଦୁଷ୍କର୍ମ ଘଟଣାର ତଦନ୍ତ କରି ପୋଲିସ ଜଣେ ଯୁବକକୁ ଅଟକ ରଖି ପଚରାଉଚରା କରୁଛି । ଯୁବକ ଜଣକ ହେଲେ ମୁଦଲିଆଗୁଡାର ଟେମରାଜ ଗୌଡ଼ ।

ପୋଲିସର କହିବା ଅନୁସାରେ, ନାବାଳିକା ଓ ଅଟକ ବ୍ୟକ୍ତି ଏକ କାଜୁ ମିଲରେ କାମ କରୁଥିଲେ । ଗତ ୪ ତାରିଖରେ ନାବାଳିକା ଅପହରଣ ହୋଇଥିଲା । ୮ ତାରିଖରେ ଝରିଗାଁ ଥାନା ଅଞ୍ଚଳରୁ ନାବାଳିକାକୁ ଉଦ୍ଧାର କରାଯାଇଥିଲା । ଏନେଇ ନାବାଳିକାଙ୍କ ପକ୍ଷରୁ ଥାନାରେ ଅଭିଯୋଗ ହୋଇଥିଲା । ପୋଲିସ ମାମଲାର ତଦନ୍ତ କରି ଟେମରାଜଙ୍କୁ ଅଟକ ରଖି ପଚରାଉଚରା କରିବା ସହ ନାବାଳିକାଙ୍କୁ ଡାକ୍ତରୀ ମାଇନା ପାଇଁ ପଠାଇଛି ।

ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ