ନବରଙ୍ଗପୁର: କେବିକେ କନ୍ଧମାଳ ସ୍ବୟଂ ଶାସିତ ଅଞ୍ଚଳ ଦାବି ନେଇ ନବରଙ୍ଗପୁର ଟାଉନହଲ ଠାରେ ଦଶଟି ଜିଲ୍ଲାର ପ୍ରତିନିଧିମାନଙ୍କୁ ନେଇ ପ୍ରଥମ ବୈଠକ ଅନୁଷ୍ଠିତ ହୋଇଯାଇଛି । ଏହି ଅଞ୍ଚଳରେ ରହୁଥିବା ସମସ୍ତ ନାଗରିକଙ୍କୁ ସମ୍ବିଧାନିକ ସମାନତା ଅଧିକାର ଯୋଗାଇବା ଏବଂ ଆଞ୍ଚଳିକ ବୈଷମତାବାଦର ମୁଳୋତ୍ପାଟନ କରିବା ଏବଂ ଜାତି ଧର୍ମ ବର୍ଣ୍ଣ ନିର୍ବିଶେଷରେ ସମସ୍ତଙ୍କୁ ସାମାଜିକ ନ୍ୟାୟ ପ୍ରଦାନ କରିବା ଏହାର ମୂଳ ଲକ୍ଷ୍ୟ ।
କେବିକେ କନ୍ଧମାଳ ସ୍ଵଂୟ ଶାସିତ ପରିଷଦ ଏକ ସମ୍ପୂର୍ଣ୍ଣ ଅଣରାଜନୈତିକ ସଙ୍ଗଠନ । ଏଥିରେ ୧୦ ଗୋଟି ରାଜସ୍ବ ଜିଲ୍ଲାରୁ 12 ଜଣ ସଙ୍ଗଠନ ଦାୟିତ୍ବ ରହିବେ । ବିଭିନ୍ନ କ୍ଷେତ୍ରରେ ଲୋକଙ୍କୁ ନିଯୁକ୍ତି, ଅବହେଳା ବିରୋଧରେ ସ୍ବର ଉତ୍ତୋଳନ, ମହିଳା ସକ୍ତିକରଣ କରିବା ଏହାର ମୁଖ୍ୟ ଲକ୍ଷ୍ୟ ଅଟେ । ତେବେ ୧୦ଟି ପଛୁଆ ଜିଲ୍ଲାର ଉନ୍ନତି ନେଇ ସରକାର କେବିକେ ଉନ୍ନୟନ ପରିଷଦ ଗଠନ କରି ବିଭିନ୍ନ କ୍ଷେତ୍ରରେ ଉନ୍ନତି ପାଇଁ ଅନୁଦାନ କରୁଥିଲେ । କିନ୍ତୁ ସମସ୍ତ ଅନୁଦାନ ଧୀରେ ଧୀରେ ବନ୍ଦ କରିବାକୁ ଏହାକୁ ପ୍ରତିବାଦ କରିଛି ସଙ୍ଗଠନ ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
