ନବରଙ୍ଗପୁର: ଜିଲ୍ଲାରେ କୋରୋନା ଭୂତାଣୁ ନିଜ ପ୍ରାଦୁର୍ଭାବ ଦେଖାଇଥିବା ବେଳେ କୋଷାଗୁମୁଡା ବ୍ଲକର ଗ୍ରାମ ପଞ୍ଚାୟତଗୁଡିକରେ ପ୍ରବାସୀ ଶ୍ରମିକମାନଙ୍କ ପାଇଁ ଖୋଲା ଯାଇଛି କ୍ବାରେନଣ୍ଟାଇନ ସେଣ୍ଟର । ଏଠାରେ ଅନେକ କଟକଣା ଥିବା ସତ୍ତ୍ବେ ଖୁଲମଖୁଲା ନିୟମ ଉଲ୍ଲଂଘନ ହେବାର ଦେଖିବାକୁ ମିଳୁଛି । ଏହିଭଳି ଏକ ଘଟଣା କୋଷାଗୁମୁଡା ବ୍ଲକ ବଡ଼ ଆଟିଗାଁ G.Pର କ୍ବାରେନଣ୍ଟାଇନ ସେଣ୍ଟରଠାରେ ଘଟିଛି । ସରକାରଙ୍କ ବିନା ସୂଚନାରେ ଜଣେ ପ୍ରବାସୀ ଶ୍ରମିକ ମହାରାଷ୍ଟ୍ରରୁ ଆସି ଦିନ ବେଳା କ୍ବାରେନଣ୍ଟାଇନ ସେଣ୍ଟରରେ ରହୁଥିବା ବେଳେ ରାତିରେ ଗାଁ ଦାଣ୍ଡରେ ବୁଲୁଥିବା ଦେଖିବାକୁ ମିଳିଛି ।
ଏନେଇ ଗ୍ରାମବାସୀଙ୍କ ପକ୍ଷରୁ ଅଭିଯୋଗ ହୋଉଛି । କ୍ବାରେନଣ୍ଟାଇନ ସେଣ୍ଟର ଦାୟିତ୍ଵରେ ଥିବା ପିଇଓ ମଧ୍ୟ ନିୟମିତ ଆସୁ ନାହାନ୍ତି ବୋଲି ଗ୍ରାମବାସୀ ପ୍ରକାଶ କରିଛନ୍ତି । ଉପାନ୍ତ କୋଷାଗୁମୁଡା ବ୍ଲକର ଗ୍ରାମ ପଞ୍ଚାୟତ ଦାୟିତ୍ଵରେ ଥିବା ପିଇଓମାନଙ୍କ ଖାମଖିଆଲି ମନୋଭାବ ଏବଂ ଅବହେଳା ଯୋଗୁଁ ଅଧିକାଂଶ କ୍ବାରେନଣ୍ଟାଇନ ସେଣ୍ଟର ଗୁଡିକରେ ଅବ୍ୟବସ୍ଥା ଦେଖାଦେଉଛି । ପ୍ରକାଶ ଥାଉ କି ପ୍ରଥମରୁ ହିଁ ଏହି ବ୍ଳକର ଏକୋରୀ G.P ର ଲୁଣପାଣୀଠାରେ ଥିବା କ୍ବାରେନଣ୍ଟାଇନ ସେଣ୍ଟରରେ ନିଆଁ ଲାଗି ଲକ୍ଷ ଲକ୍ଷ ଟଙ୍କାର ଆସବାବପତ୍ର ପୋଢ଼ି ନଷ୍ଟ ହୋଇଯାଇଥିଲା ।