ନବରଙ୍ଗପୁର: ବାଇକ ଧକ୍କାରେ ସ୍ଵାମୀ ମୃତ, ସ୍ତ୍ରୀ ଗୁରୁତର। ଘଟଣାକୁ ନେଇ ଥାନାରେ ଏତଲା ଦିଆ ଯାଇଥିଲେ ମଧ୍ୟ ମୃତ ବ୍ୟକ୍ତି ଓ ଗୁରୁତର ମହିଳାଙ୍କ ପାଖରେ ପହଞ୍ଚି ପାରୁନି ପୋଲିସ । ଏପରି ଘଟଣା ଘଟିଛି ନବରଙ୍ଗପୁର ଜିଲ୍ଲା ରାଇଘର ଥାନା ଟିମନପୁର ପଞ୍ଚାୟତ ବିନୟପୁର ଗ୍ରାମରେ। ମୃତକ ହେଲେ ଶ୍ୟାମଲାଲ ରାଉତ ଓ ଗୁରୁତର ମହିଳା ଜଣଙ୍କ ହେଲେ ସାମବାଇ ରାଉତ । ଏମାନେ କୁମୁଲି ପଞ୍ଚାୟତ ଜାମଦର ଗ୍ରାମର ବୋଲି ଜଣାପଡିଛି।
ବାଇକ ଧକ୍କାରେ ସ୍ଵାମୀ ମୃତ,ସ୍ତ୍ରୀ ଗୁରୁତର; ପୋଲିସର ନାହିଁ ଦେଖା
ସୂଚନା ଅନୁଯାୟୀ ଶ୍ୟାମଲାଲ ଏବଂ ତାଙ୍କ ସ୍ତ୍ରୀ ଦୁହେଁ ନିଜ ଝିଅ ଘରକୁ ସାଇକେଲ ଯୋଗେ ଫେରୁଥିବା ସମୟରେ ବିପରୀତ ଦିଗରୁ ଦ୍ରୁତ ଗତିରେ ଏକ ବାଇକ ଆସି ଧକ୍କା ଦେଇଥିଲା । ଫଳରେ ରାସ୍ତା କଡରେ ଛିଟିକି ପଡ଼ିଥିଲେ ସ୍ବାମୀ, ସ୍ତ୍ରୀ ଏବଂ ଘଟଣା ସ୍ଥଳରେ ହିଁ ପ୍ରାଣ ହରାଇଥିଲେ ଶ୍ୟାମଲାଲ। ଏପଟେ ଧକ୍କା ଦେଇ ଘଟଣା ସ୍ଥଳରୁ ଚମ୍ପଟ ମାରିଥିଲା ବାଇକ ଆରୋହୀ ।