ନବରଙ୍ଗପୁର: ଜଣେ ନିଶାସକ୍ତ ଯୁବକଙ୍କ ଉନ୍ମତ୍ତ କାଣ୍ଡ । ପାରିବାରିକ ଅଶାନ୍ତିରେ ମ୍ରିୟମାଣ ହୋଇ ଗୋଟିଏ ବିରାଟ ବରଗଛ ଉପରେ ଦୀର୍ଘ ଦେଢ ଘଣ୍ଟା ରହିବା ପରେ ନିଜେ ତଳକୁ ଓହ୍ଲାଇବା ଘଟଣା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ଯୁବକଙ୍କର କୌଣସି କ୍ଷତି ହୋଇ ନ ଥିଲେ ସୁଦ୍ଧା ପୁଲିସ ଓ ଅଗ୍ନିଶମ କର୍ମଚାରୀ ତାଙ୍କୁ ଗଛରୁ ଓହ୍ଲାଇବା ପାଇଁ ନାକେଦମ୍ ହୋଇଥିଲେ।
ପାରିବାରିକ କହଳ ପାଇଁ ଗଛ ଉପରେ ଦେଢ ଘଣ୍ଟା
ଏହି ଦୃଶ୍ୟ ଏବେ ବେଶ୍ ଭାଇରାଲ୍ ହେବାରେ ଲାଗିଛି। ମିଳିଥିବା ସୂଚନାନୁଯାୟୀ, ଏପରି ଏକ ରୋମାଞ୍ଚକର ଘଟଣା ଘଟିଛି ନବରଙ୍ଗପୁର ଜିଲ୍ଲା ଡାବୁଗାଁ ଥାନା ସଦର ହାଟପଦା ସାହିରେ । ଯୁବକ ଜଣକ ଡାବୁଗାଁ ସଦର ହାଟପଦା ସାହିର ମାନସ ନାୟକ( ୩୦) । ସୂଚନାନୁଯାୟୀ, ମାନସ ସୋମବାର ସକାଳେ କୌଣସି କଥାକୁ ନେଇ ସ୍ତ୍ରୀଙ୍କ ସହ ଝଗଡା ହେବା ପରେ ରାଗରେ ହାଟପଦା ନିକଟରେ ଥିବା ଏକ ବିରାଟ ବରଗଛ ଉପରେ ଦିନ ପ୍ରାୟ ୧୨ଟା ସମୟରେ ଚଢି ଯାଇଥିଲେ।