ନବରଙ୍ଗପୁର: ସ୍ୱାଧୀନତାର ୭୨ ବର୍ଷ ବିତି ଯାଇଥିଲେ ମଧ୍ୟ ସରକାର ଗାଁକୁ ଭଲ ରାସ୍ତା ଟିଏ କରି ପାରିଲେନି । ସରକାରଙ୍କ ବିକାଶ ଗାଡି ବି ଗଡିନି ନବରଙ୍ଗପୁରର ଦୁଇଟି ଗ୍ରାମକୁ । କହିବାକୁ ଗଲେ ସରକାରଙ୍କ ମାଳମାଳ ଯୋଜନା ଏଠି ଫେଲ ୍ ମାରିଛି । ଆମେ କହୁଛୁ ନବରଙ୍ଗପୁର ଜିଲ୍ଲା, ପାପଡାହାଣ୍ଡି ବ୍ଲକ ମୈଦଲପୁର ଗ୍ରାମ ପଞ୍ଚାୟତର ଗୁଡୁରିଗୁଡା ଓ ସିରାଗୁଡ଼ା ଗ୍ରାମ ବିଷୟରେ ।
ନବରଙ୍ଗପୁର ଜିଲ୍ଲାରେ ଫେଲ୍ ମାରିଛି ସରକାରୀ ଯୋଜନା
ଏହି ଗାଁକୁ ପକ୍କା ରାସ୍ତା ନଥିବାରୁ ଆଧୁନିକତାରୁ ବଞ୍ଚିତ ହେଇଛନ୍ତି ଗ୍ରାମବାସୀ । ଭତ୍ତା, ଚାଉଳ, କିରୋସିନୀ ଭଳି ଅତ୍ୟାବଶ୍ୟକ ସାମଗ୍ରୀ ପାଇଁ ୭ କିଲୋମିଟର ଦୁରରେ ଥିବା ମୈଦଲପୁର ପଞ୍ଚାୟତକୁ ନିର୍ଭର କରିଥାନ୍ତି । ପ୍ରଶାସନ ଓ ରାଜନେତାଙ୍କ ପାଖରେ ବାରମ୍ବାର ଗୁହାରୀ କରିଥିଲେ ମଧ୍ୟ ଆଜି ଯାଏଁ ଏହି ଗ୍ରାମକୁ ରାସ୍ତାଟିଏ ତିଆରି ହେଇ ପାରିଲାନାହିଁ, ତେଣୁ ଉକ୍ତ ଗ୍ରାମର ଲୋକମାନେ ମିଶି ନିଜେ ଶ୍ରମଦାନ କରି ରାସ୍ତା ନିର୍ମାଣ କରୁଛନ୍ତି ।