ନବରଙ୍ଗପୁର: ଦୁଇ ଦିନର ଲଗାଣ ବର୍ଷାରେ ବେହାଲ ସାରା ଓଡିଶା । ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକ ଅନ୍ତର୍ଗତ ଉକିଆପାଲି ପଞ୍ଚାୟତର ଅନେକ ଗାଁ ଏବେ ବର୍ଷା ଯୋଗୁଁ ଜଳବନ୍ଦୀ । ଜିଲ୍ଲାପାଳ ଗତକାଲି ସ୍ଥିତି ଅନୁଧ୍ୟାନ କରିବା ପରେ ଆଜି ପାୱାର ବୋଟ ସାହାଯ୍ୟରେ ଜଳବନ୍ଦୀଙ୍କୁ ଉଦ୍ଧାର କରି ବନ୍ୟା ଆଶ୍ରୟସ୍ଥଳୀକୁ ସ୍ଥାନାନ୍ତର କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ଲଗାଣ ବର୍ଷା ପ୍ରଭାବରେ ଅନେକ ନଦୀର ଜଳସ୍ତର ବିପଦ ସଂକେତ ଉପରେ ପ୍ରବାହିତ ହେଉଛି । ଯାହାଦ୍ବାରା ଜିଲ୍ଲାର ଘାଟବାସୁଲି, ଘାଟଗୁଡା, ଆଳୁପଦର, ପାଇଲପାଲି ଓ ଚିର୍ମା ପଞ୍ଚାୟତ ପଡେଇଗୁଡ, ଦୁଗୁଳାହାଣ୍ଡି, ଯାଗିନୀଗୁଡ଼ା, ଖଣ୍ଡିବାଗଦରୀ ଗାଁ ମାନଙ୍କରୁ ୫ ହଜାର ରୁ ଉର୍ଦ୍ଧ ଲୋକେ ଜଳବନ୍ଦୀ ହୋଇ ରହିଛନ୍ତି ।