ମନ୍ଦିରରେ ଗଣେଶ ପୂଜା ପାଳିତ

ନବରଙ୍ଗପୁରର ଥିବା ରାଜୁ ସାହି ଗଣେଶ ମନ୍ଦିରରେ ମଧ୍ୟ ଖୁବ୍ ଧୁମ୍‌ଧାମରେ ପାଳିତ ହୋଇଯାଇଛି ଗଣେଶ ପୂଜା ।

ନବରଙ୍ଗପୁର: ସମଗ୍ର ଦେଶରେ ମହା ଆଡମ୍ବରରେ ପାଳିତ ହେଉଛି ଗଣେଶ ପୂଜା । ନବରଙ୍ଗପୁରର ଥିବା ରାଜୁ ସାହି ଗଣେଶ ମନ୍ଦିରରେ ମଧ୍ୟ ଖୁବ୍ ଧୁମ୍‌ଧାମରେ ପାଳିତ ହୋଇଛି ଏହି ପୂଜା ।

2014 ମସିହାରୁ ମନ୍ଦିର ପ୍ରତିଷ୍ଠା ହେବା ପର ଠାରୁ ଏହି ପୂଜାକୁ ପାଳନ କରୁଛନ୍ତି ନବରଙ୍ଗପୁର ବାସିନ୍ଦା । ସକାଳ 6ଟାରୁ ଗଣେଶଙ୍କ ମହାସ୍ନାନ ପରେ ଲୋକଙ୍କ ସମାଗମ ଦେଖିବାକୁ ମିଳିଥିଲା ଏହି ମନ୍ଦିରରେ । ତେବେ ସହରରେ ଗୋଟିଏ ମାତ୍ର ଗଣେଶ ମନ୍ଦିର ରହିଛି । ଏଠାରେ 5ଦିନ ଧରି ପୂଜା ହେବା ନେଇ ଜଣାଇଛି ମନ୍ଦିର ପରିଚାଳନା କମିଟି। ପ୍ରତିକୂଳ ପାଗ ସତ୍ତ୍ବେ ମଧ୍ୟ ଲୋକ ପ୍ରଭୁଙ୍କ ଦର୍ଶନ ପାଇଁ ଆସିଥିଲେ।

ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ