ନବରଙ୍ଗପୁର: ଗାଁରେ ଥିବା ଘରଡିହ ଜାଗାକୁ କେନ୍ଦ୍ରକରି ସାମାଜିକ ବାସନ୍ଦ ହେଲେ ୪ ପରିବାର । ନିଆଁ ପାଣି ଠାରୁ ଆରମ୍ଭ କରି ଗାଁ ଦାଣ୍ଡରେ ଚାଲିବାକୁ ଦେଉ ନାହାନ୍ତି ଗାଁ ଲୋକେ । ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକ ଚିର୍ମା ସଦର ଗ୍ରାମପଞ୍ଚାୟତରେ ଦେଖିବାକୁ ମଳିଛି ଏଭଳି ଏକ ଅଭାବନୀୟ ଦୃଶ୍ୟ । ଯାହା ଫଳରେ ଗାଁରେ ଅଭିଶପ୍ତ ଜୀବନ ବିତାଉଛନ୍ତି 4 ପରିବାର ।
ଘରଡିହକୁ କେନ୍ଦ୍ରକରି ସାମାଜିକ ବାସନ୍ଦ ହେଲେ ୪ ପରିବାର
ଚିର୍ମା ଗ୍ରାମରେ ସନୁ ହରିଜନ, ଚନ୍ଦରୁ ହରିଜନ, ବଇଦନାଥ ହରିଜନ ଓ ଟୁନୁ ହରିଜନ ୪ ଜଣ ନିଜ ପରିବାର ସହ ବସବାସ କରି ଆସୁଛନ୍ତି । ଚାରଟି ପରିବାର ଦଖଲରେ ଥିବା ସରକାରୀ ଆବାଦୀଯୁକ୍ତ ୧୫ ଡେସିମିଲ ଘରଡିହ ସ୍ଥାନରେ ସରକାରଙ୍କ ପକ୍ଷରୁ କଲ୍ୟାଣ ମଣ୍ଡପ ନିର୍ମାଣ ଆରମ୍ଭ ହୋଇଛି । ଏହାକୁ ନେଇ ୪ ପରିବାର ବିରୋଧ କରିବାରୁ ଗ୍ରାମବାସୀ ସେମାନଙ୍କୁ ନିଆଁପାଣି ବନ୍ଦ କରାଇଛନ୍ତି ।