ନବରଙ୍ଗପୁର: ଜିଲ୍ଲା ଡାବୁଗାଁ ଥାନା ଅଧୀନ ଡାବୁଗାଁ ଉମରକୋଟ ରାଜ୍ୟରାଜପଥ-୩୯ ଉପରେ ଦଶମୁଣ୍ଡିଆରେ ସ୍ପେଶାଲ ସ୍କ୍ୱାର୍ଡ ମଦ କାରବାର ଉପରେ ଚଢାଉ କରିଥିଲା । ଦଶମୁଣ୍ଡିଆ ମନ୍ଦିର ସମ୍ମୁଖରେ ନାନୋ କାର ଯୋଗେ ଡାବୁଗାଁ ସିଂ ଠିପି ବନ୍ଦ ବିଦେଶୀ ମଦ ଦୋକାନ କର୍ମଚାରୀ ୨ ଜଣ ଚାଟିଗୁଡା ଗ୍ରାମକୁ ନେଉଥିବା ଖବର ପାଇ ନବରଙ୍ଗପୁର ଏସପି ପ୍ରହଲ୍ଲାଦ ସହାଇ ମୀନାଙ୍କ ନିର୍ଦ୍ଦେଶ କ୍ରମେ ଏହି ଚଢାଉ କରାଯାଇଥିଲା ।
ଉକ୍ତ ଗାଡିରୁ ୧୮୦ ମିଲିର ୨୪୦ଟି ବୋତଲ ମଦ, କେନ ବିୟର ୧୨୦ଟି ଡବା ୬୦ ଲିଟର ଓ ୭୫୦ ମିଲି ବିୟର ୨୪ଟି ବୋତଲ ୧୮ ଲିଟର ଜବତ କରାଯାଇଛି । ଏଥିରେ ସମ୍ପୃକ୍ତ ବିଦେଶୀ ମଦ ଦୋକାନ କର୍ମଚାରୀ ମନୋଜ କୁମାର ସିଂ ଓ ସୁନୀଲ କୁମାର ସିଂଙ୍କୁ ଗିରଫ କରିଛି ସ୍ପେଶାଲ ସ୍କ୍ୱାର୍ଡ ।