ଜଳୁଛି ଜଙ୍ଗଲ, ବନ ବିଭାଗ ପାଖେ ନାହିଁ ଖବର

ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଡାବୁଗାଁ ରେଞ୍ଜ ଅନ୍ତର୍ଗତ ନୂଆକୋଟ ସଂରକ୍ଷିତ ଜଙ୍ଗଲରେ ନିଆଁ । ଅଧିକ ପଢନ୍ତୁ...

ନବରଙ୍ଗପୁର:ଜିଲ୍ଲା ପାପଡାହାଣ୍ଡି ବ୍ଲକ ଡାବୁଗାଁ ରେଞ୍ଜ ଅନ୍ତର୍ଗତ ନୂଆକୋଟ ସଂରକ୍ଷିତ ଜଙ୍ଗଲରେ ଲାଗି ହୁତୁହୁତୁ ହୋଇ ଜଳୁଛି । ଜଙ୍ଗଲରେ ନିଆଁ ଲାଗିବା ଫଳରେ ଜନବସତି ମୁହାଁ ହୋଇଛନ୍ତି ବନ୍ୟଜନ୍ତୁ ।

ଅନେକ ଦିନ ହେବ ଜଙ୍ଗଲରେ ନିଆଁ ଲାଗି ଜଳି ଗଲାଣି ଅନେକ ଗଛ । ନିଆଁକୁ ଆୟତ କରିବାରେ ବିଫଳ ବନ ବିଭାଗ । ଜଙ୍ଗଲରେ ନିଆଁ ଲାଗିବା ଫଳେ ବନ୍ୟଜନ୍ତୁ ଗାଁ ମୁହାଁ ହୋଇଛନ୍ତି । ଏ ଦିଗରେ ନିରବ ଦ୍ରଷ୍ଟ୍ରା ସାଜିଛି ବନ ବିଭାଗ ।

ଜଙ୍ଗଲରେ ନିଆଁ ଲାଗିବା ଫଳରେ ଏକର ଏକର ଜଙ୍ଗଲ ଜଳିପୋଡି ପାଉଁଶ ହେବାରେ ଲାଗିଛି । ଏ ଦିଗରେ ବନ ବିଭାଗ ପାଖରେ କୌଣସି ଖବର ନାହିଁ । ଯାହା ଏକ ଦୁର୍ଭାଗ୍ୟର ବିଷୟ । ନିଆଁକୁ ଯେତେ ଶୀଘ୍ର ଆୟତ କରିବାକୁ ବନବିଭାଗ ପକ୍ଷରୁ ଉଦ୍ୟମ ଆରମ୍ଭ ହେବାର ଆବଶ୍ୟକତା ରହିଛି ।

ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ