ନବରଙ୍ଗପୁରରେ ହାତୀ ଉପଦ୍ରବ, ଲୋକେ ଭୟଭୀତ

ଛତିଶଗଡ଼ ସାଲେଭାଟା ଜଙ୍ଗଲରୁ ୩୦ରୁ ଉର୍ଦ୍ଧ୍ବ ହାତୀ ପଶି ଆସି ଓଡିଶା ସଂରକ୍ଷିତ ଜଙ୍ଗଲ କାଣ୍ଡିତରା ଓ ଛାପର୍ ଓ ଛାପର ଅଞ୍ଚଳରେ ଆତଙ୍କ ଖେଳାଇ ଦେଇଛନ୍ତି । ଅଧିକ ପଢନ୍ତୁ

ନବରଙ୍ଗପୁର:ରାଇଘର ବ୍ଲକ ଅନ୍ତର୍ଗତ ସମ୍ବଲପୁର ଅଞ୍ଚଳରେ ହାତୀ ଆତଙ୍କ । ଛତିଶଗଡ଼ ସାଲେଭାଟା ଜଙ୍ଗଲରୁ ୩୦ରୁ ଉର୍ଦ୍ଧ୍ବ ହାତୀ ପଶି ଆସି ଓଡିଶା ସଂରକ୍ଷିତ ଜଙ୍ଗଲ କାଣ୍ଡିତରା ଓ ଛାପର୍ ଓ ଛାପର ଅଞ୍ଚଳରେ ଆତଙ୍କ ଖେଳାଇ ଦେଇଛନ୍ତି ।

ଅମଳ ହୋଇ ଗଚ୍ଛିତ ଥିବା ମକା, ଧାନ ଫସଲ ସମେତ ପନିପରିବା ଆଦି ନଷ୍ଟ କରି ଦେଇଛନ୍ତି ହାତୀପଲ । ଏଥି ସହ କିଛି ଘର ମଧ୍ୟ ନଷ୍ଟ କରିଦେଇଛନ୍ତି ହାତୀପଲ । ଫଳରେ ଲୋକଙ୍କ ମନରେ ଏବେ ଭୟର ବାତାବରଣ ଖେଳିଯାଇଛି ।

ଏନେଇ ଖବର ପାଇ ରାଇଘର ବନବିଭାଗର ଏକ ଟିମ୍ ଆଜି ସଂରକ୍ଷିତ ଜଙ୍ଗଲର କାଣ୍ଡେତରା ଓ ଛାପର୍ ଅଞ୍ଚଳରେ ପହଞ୍ଚି କ୍ଷୟକ୍ଷତିର ଆକଳନ କରିବା ସହିତ ଜଙ୍ଗଲ ମଧ୍ୟରେ ହାତୀଙ୍କ ଗତିବିଧି ଅନୁଧ୍ୟାନ କରିଥିଲେ । ତେବେ ବର୍ତ୍ତମାନ ସୁଦ୍ଧା ହାତୀପଲ ଓଡିଶା ସୀମାନ୍ତ ଜଙ୍ଗଲରେ ମଧ୍ୟରେ ରହିଥିବା ବେଳେ ଅଞ୍ଚଳବାସୀ ଏବେ ଭୟଭୀତ ହୋଇ ରହିଛନ୍ତି ।

ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ