ରାଇଘର ବ୍ଲକରେ ହାତୀ ଉପଦ୍ରବ, ୫ ଏକର ମକା ଫସଲ ନଷ୍ଟ

ରାଇଘର ବ୍ଲକରେ ଦେଖିବାକୁ ମିଳିଛି ହାତୀ ଆତଙ୍କ । ଗାଁ ନିକଟ ଜଙ୍ଗଲ ମଧ୍ୟରେ ହାତୀ ପଲ ବୁଲିବା ସହ ୫ ଏକର ମକା ଫସଲ ନଷ୍ଟ କରିଛନ୍ତି । ଅଧିକ ପଢନ୍ତୁ...

ନବରଙ୍ଗପୁର: ଜିଲ୍ଲାରେ ପ୍ରଥମ କରି ଦେଖିବାକୁ ମିଳିଛି ହାତୀ ଆତଙ୍କ । ନବରଙ୍ଗପୁର ଜିଲ୍ଲା ରାଇଘର ବ୍ଲକ ଅଧିନ ସମ୍ବଲପୁର ଗ୍ରାମ ନିକଟସ୍ଥ ଜଙ୍ଗଲ ମଧ୍ୟରେ ବୁଲୁଛନ୍ତି ହାତୀ ପଲ । ତେବେ ଅଞ୍ଚଳର ବିଭିନ୍ନ ସ୍ଥାନରେ ମକା ଫସଲ ଖାଇବା ସହ ପାଦରେ ଦଳି ମକଚି ୫ ଏକର ଫସଲ ନଷ୍ଟ କରିଛନ୍ତି ।

ସେପଟେ ହାତୀ ପଲରେ ଥିବା ୧୪ଟି ହାତୀ ମଧ୍ୟରେ ୨ଟି ଛୁଆ ହାତୀ ଥିବା ସହ ପଡୋଶୀ ରାଜ୍ୟ ଛତିଶଗଡ ଗରିଆବନ୍ଧ ଜିଲ୍ଲା ରିସଗାଁ ରେଞ୍ଜ ସଂରକ୍ଷିତ ଜଙ୍ଗଲ ପଟୁ ଜିଲ୍ଲାରେ ପଶିଥିବା ନେଇ ସୂଚନା ମିଳିଛି ।

ତେବେ ରାଇଘର ବନ ବିଭାଗର ସୂଚନାନୁସାରେ ହାତୀ ପଲ ଗାଁରେ ଥିବା ମକା ବାଡିରେ ପଶି ଦୁଇ ଘଣ୍ଟା କାଳ ମକା ଫସଲ ଖାଇବା ଓ ନଷ୍ଟ କରିବା ପରେ ପୁଣି ଛତିଶଗଡ଼ ଜଙ୍ଗଲକୁ ଫେରି ଯାଇଥିବା ନେଇ ସୂଚନା ଦେଇଛି । ହେଲେ ହାତୀ ପଲ ଗାଁ ମୁହାଁ ହେବା ଘଟଣାକୁ ନେଇ ସ୍ଥାନୀୟ ଲୋକେ ଆତଙ୍କିତ ଅବସ୍ଥାରେ ଅଛନ୍ତି ।

ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ