ନବରଙ୍ଗପୁର: ଭୂମିହୀନଙ୍କୁ ଭୂମି, ଜମିପଟ୍ଟା ଓ ଗୃହ ଯୋଗାଇ ଦେବାକୁ ଦାବି । ଜିଲ୍ଲା ପୌରପାଳିକା ଅଧିନସ୍ଥ 11ଟି ୱାର୍ଡର ଭୂମିହୀନଙ୍କୁ ଜମିପଟ୍ଟା ଓ ଗୃହ ଯୋଗାଇ ଦେବାକୁ ଦାବି କରି ନିର୍ବାହୀ ଅଧିକାରୀଙ୍କୁ ଦାବିପତ୍ର ପ୍ରଦାନ କରିଛନ୍ତି ବସ୍ତି ବାସିନ୍ଦା ମହାସଂଘ ।
ଜମିପଟ୍ଟା ପାଇଁ ଦାବି କରି ନିର୍ବାହୀ ଅଧିକାରୀଙ୍କୁ ଦାବିପତ୍ର
ନବରଙ୍ଗପୁର ପୌରପାଳିକା ଅଧିନସ୍ଥ ଦଶହରାପଦା ସାହି , ମେଦିରୀ ସାହି, ନୁଆଁବନ୍ଧ ସାହି, ତଟା ସାହି, ସେନାପତି ସାହି, ଗାଦବା ଗୁଡା, ତେଲୁଗୁ ସାହି, ହରିଜନ ସାହି, ସମେତ 11 ଟି ସାହିରେ ଶହେ ବର୍ଷ ହେବ ଲୋକେ ରହିଆସୁଥିଲେ ବି ସେମାନଙ୍କୁ ଏଯାଏଁ ଜମିପଟ୍ଟା ମିଳି ନଥିବା ଅଭିଯୋଗ ହୋଇଛି । ସରକାର ଓ ପୌରପାଳିକା ପ୍ରଶାସନ ଅଧିକାରୀଙ୍କ ଅବହେଳା ଯୋଗୁଁ ଜମିପଟ୍ଟା ପାଇନଥିବା କହିଛନ୍ତି ଅଭିଯୋଗକରୀ । ଫଳରେ ସରକାରଙ୍କ ତରଫରୁ ଦିଆଯାଉଥିବା ବାସଗୃହ ସେମାନଙ୍କୁ ମିଳୁନାହିଁ l ଯାହାଫଳରେ ସେମାନେ ବହୁତ ଅସୁବିଧା ଭୋଗୁଥିବା କହିଛନ୍ତି l