ଜଙ୍ଗଲରୁ ଅଜଣା ଯୁବକଙ୍କ ମୃତଦେହ ଉଦ୍ଧାର

ନବରଙ୍ଗପୁର ବିଜିରାଗୁଡା ସଂରକ୍ଷିତ ଜଙ୍ଗଲରୁ ଯୁବକଙ୍କ ଗଳିତ ମୃତଦେହ ଉଦ୍ଧାର । ଅଧିକ ପଢନ୍ତୁ...

ନବରଙ୍ଗପୁର: ଜିଲ୍ଲା ସଦର ଥାନା ଅନ୍ତର୍ଗତ ବିଜିରାଗୁଡା ସଂରକ୍ଷିତ ଜଙ୍ଗଲରୁ ଯୁବକଙ୍କ ଗଳିତ ମୃତଦେହ ଉଦ୍ଧାର । ମୃତଦେହଟି ୭ ଦିନରୁ ଊର୍ଦ୍ଧ୍ବ ହେବ ପଡିରହିଥିବା ଅନୁମାନ କରାଯାଉଛି ।

ଗତକାଲି(ରବିବାର) କେତେକ ଲୋକ କୌଣସି କାମରେ ଜଙ୍ଗଳକୁ ଯାଉଥିବାବେଳେ ମୃତଦେହକୁ ଦେଖିବାକୁ ପାଇଥିଲେ । ଏନେଇ ବିଜରାଗୁଡା ଗାଁ ଓ୍ବାର୍ଡ ମେମ୍ବର ପୋଲିସକୁ ଖବର ଦେଇଥିଲେ । ଖବର ପାଇ ନବରଙ୍ଗପୁର ପୋଲିସ ପହଞ୍ଚି ମୃତଦେହ ଜବତ କରିଛି । ତେବେ ମୃତକଙ୍କ ପରିଚୟ ମିଳିପାରି ନଥିବାବେଳେ କେହି ଦୁର୍ବୃତ୍ତ ହତ୍ୟାକରି ଏଠାରେ ଫିଙ୍ଗି ଦେଇଥିବା ଅନୁମାନ କରାଯାଉଛି । ମୃତ ଯୁବକ ଜଣକ ହାପ୍ ପ୍ୟାଣ୍ଟ ଓ ଟି ସାର୍ଟ ପିନ୍ଧି ଥିବାବେଳେ ହାତରେ ଏକ ଗାମୁଛା ଧରିଥିବା ଜଣାପଡିଛି । ପୋଲିସ ମାମଲାର ଅଧିକ ତଦନ୍ତ ଆରମ୍ଭ କରିଛି ।

ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ