କୋଦାଳ ଧରି ପାର୍କ ସଫା କଲେ ବିଧାୟକ

କୋଦାଳ ଧରି ନିଜେ ସଫେଇ କାର୍ଯ୍ୟରେ ଲାଗି ପଡିଲେ ଡାବୁଗାଁ ବିଧାୟକ । ବହୁଦିନ ଧରି ସଫା ହୋଇନଥିବା ଗାନ୍ଧି ପାର୍କକୁ କିଛି ଗ୍ରାମବାସୀଙ୍କ ସହାୟତାରେ ସଫା କରିଛନ୍ତି ବିଧାୟକ ମନୋହର ରନ୍ଧାରୀ । ଏହା ଦେଖି ସଭିଏଁ କହିଛନ୍ତି ବିଧାୟକ ହେବ ତ ଏମିତି ।

ନବରରଙ୍ଗପୁର: ଜିଲ୍ଲାର ଡାବୁଗାଁ ବ୍ଳକରେ ମହାତ୍ମା ଗାନ୍ଧୀ ପାର୍କ ସଫା କଲେ ସ୍ଥାନୀୟ ବିଧାୟକ ମନୋହର ରନ୍ଧାରୀ ଓ ଗ୍ରାମବାସୀ । ଦୀର୍ଘଦିନ ହେବ ଏହି ପାର୍କ ସଫା ହେଇନଥିବା ବେଳେ ନିଜେ କୋଦାଳ ଧରି ସଫା କରିଛନ୍ତି ବିଧାୟକ ରନ୍ଧାରୀ ।

ଲୋକଙ୍କ କହିବା ଅନୁଯାୟୀ ବହୁ ଦିନ ପରେ ଆମକୁ ଏଭଳି ଏକ ବିଧାୟକ ମିଳିଛି ସେ କାମ କରିବା ଦେଖି ଆମକୁ ମଧ୍ୟ କାମ କରିବା ଇଚ୍ଛା ହେଲା । ଆମ ଡାବୁଗାଁ ନିର୍ବାଚନ ମଣ୍ଡଳୀରେ ଏମିତି କାମ ସବୁବେଳେ ଚାଲିଲେ ଡାବୁଗାଁ ନିର୍ବାଚନ ମଣ୍ଡଳୀ ଓଡ଼ିଆରେ ପ୍ରଥମ ସ୍ଥାନରେ ରହିବ ବୋଲି ଗ୍ରାମବାସୀ କହିଛନ୍ତି ।

ମନୋହର ରନ୍ଧାରୀ ସବୁବେଳେ ଡାବୁଗାଁ ନିର୍ବାଚନ ମଣ୍ଡଳୀର କୋଣ, ଅଣୁକୋଣ ବୁଲି ଲୋକଙ୍କ କଥା ବୁଝୁଥିବାର ଦେଖା ଯାଉଛି । କେତେବେଳେ ବିଦ୍ୟାଳୟ ପରିଦର୍ଶନ କରୁଛନ୍ତି ତ କେତେବେଳେ ରାସ୍ତା ସମତଳ କରୁଛନ୍ତି । ଏହି ସଫା କାର୍ଯ୍ୟରେ କିଛି କଲେଜ ଛାତ୍ର ମଧ୍ୟ ସହଯୋଗ କରିଥିଲେ । ଏଭଳି ଏକ ବିଧାୟକ ପାଇ ଡାବୁଗାଁବାସୀ ବେଶ ଖୁସି ଅଛନ୍ତି । ରନ୍ଧାରୀଙ୍କର ଏଭଳି କାର୍ଯ୍ୟକୁ ବୁଦ୍ଧିଜୀବୀ ମହଲରେ ପ୍ରଶଂସା କରାଯାଇଛି ।

ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ