ନବରଙ୍ଗପୁର: ଡାବୁଗାଁ ପ୍ରାଣୀ ଚିକିତ୍ସା କେନ୍ଦ୍ର ବହୁତ ସମସ୍ୟା ଦେଇ ଗତି କରୁଛି । ଆଜି ସ୍ଥାନୀୟ ପ୍ରାଣୀ ଚିକିତ୍ସା କେନ୍ଦ୍ରର ଗୋଷ୍ଠୀ ପ୍ରାଣୀ ଚିକିତ୍ସାଧିକାରୀ ବିଦ୍ୟୁତ ଶେଖର ମିଶ୍ର ଓ ପ୍ରାଣୀ ଚିକିତ୍ସକ ସରସ୍ଵତୀ ସାହୁ ଏବଂ ଏଲଆଇ ବିଜୟ କୁମାର ବାରିକ, ଏଲଆଇ ରାକେଶ କୁମାର ଶିବ ପ୍ରମୁଖ ବିଭିନ୍ନ ସମସ୍ୟା ଉପରେ ଦୃଷ୍ଟି ଆକର୍ଷଣ କରିଥିଲେ ।
ଚିକିତ୍ସାଳୟର ଏହି ସମସ୍ୟା ଗୁଡ଼ିକ ମଧ୍ୟରେ ପାନୀୟ ଜଳ, ଚିକିତ୍ସା କେନ୍ଦ୍ରର ପାଚେରୀ, ମୁଖ୍ୟ ଫାଟକ, ଶୌଚାଳୟ, ସାଙ୍ଗକୁ କର୍ମଚାରୀ ଅଭାବ ରହିଛି । ଏଥିସହିତ ଅଫିସ କାର୍ଯ୍ୟାଳୟରେ ବର୍ଷା ପାଣି ଝରୁଥିବା ବେଳେ ପ୍ରାଣୀ ଚିକିତ୍ସା ସେବାରେ ମଧ୍ୟ ବାଧା ଉପୁଜୁଥିବା ଦେଖିବାକୁ ମିଳିଛି । ଚିକିତ୍ସାଳୟର ଏହି ସମସ୍ୟାର ସମାଧାନ ନିମନ୍ତେ ପ୍ରଶାସନ ନିକଟରେ ବାରମ୍ବାର ଦାବି ହେଉଛି । କିନ୍ତୁ କୌଣସି ସୁଫଳ ମିଳିନାହିଁ । ଯଦି ଖୁବ ଶୀଘ୍ର ଚିକିତ୍ସାଳୟରେ ଥିବା ସମସ୍ୟାର ସମାଧାନ କରାନଯାଏ, ତେବେ ଆଗାମୀ ଦିନରେ ଡାବୁଗାଁ ଜନସାଧାରଣ ରାଜରାସ୍ତାରେ ଓହ୍ଲେଇବେ ବୋଲି ଚେତାବନୀ ଦେଇଛନ୍ତି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ