ନବରଙ୍ଗପୁର: ମୃତ୍ୟୁ ପରେ ମଧ୍ୟ ବେଡରେ ପଡିରହିଛି ମୃତଦେହ । ଗୋଟିଏ ଘଣ୍ଟା ନୁହେଁ କି 2 ଘଣ୍ଟା ନୁହେଁ ଦୀର୍ଘ 10 ଘଣ୍ଟାରୁ ଊର୍ଦ୍ଧ୍ବ ସମୟ ଧରି ଜଣେ କୋଭିଡ ରୋଗୀ ବେଡରେ ପଡି ରହିଥିଲା । ଏହି ଅବ୍ୟବସ୍ଥା ଜିଲ୍ଲାର କୋଭିଡ ହସ୍ପିଟାଲରେ ଦେଖିବାକୁ ମିଳିଛି ।
ଉକ୍ତ କୋଭିଡ଼ ଆକ୍ରାନ୍ତଙ୍କ ମୃତ୍ୟୁ ପରେ ତାଙ୍କ ଫୋନରେ ଆସୁଥିବା କଲକୁ ମଧ୍ୟ କେହି ହସ୍ପିଟାଲ କର୍ମଚାରୀ ଉଠାଇନଥିଲେ । ମୃତକଙ୍କ ପରିବାର ବର୍ଗଙ୍କୁ ମଧ୍ୟ ତାଙ୍କ ମୃତ୍ୟୁ ସମ୍ପର୍କରେ ଜଣାଇନଥିଲେ ଫଳରେ ଦୀର୍ଘ 10 ଘଣ୍ଟା ଧରି ପଡିରହିଥିଲା ଆକ୍ରାନ୍ତଙ୍କ ମୃତଦେହ । ମିଳିଥିବା ସୂଚନା ମୁତାବକ ମୃତକ ଜଣକ କୋରୋନାରେ ଆକ୍ରାନ୍ତ ହୋଇ କିଛିଦିନ ତଳେ ନବରଙ୍ଗପୁର କୋଭିଡ଼ ହସ୍ପିଟାଲରେ ଭର୍ତ୍ତି ହୋଇଥିଲେ । ତେବେ ଶୁକ୍ରବାର ଦିନ ତାଙ୍କ ସ୍ବାସ୍ଥ୍ୟବସ୍ଥା ବିଗିଡିବାରୁ ତାଙ୍କୁ ଅକ୍ସିଜେନ ଦିଆଯାଇଥିଲା । କିନ୍ତୁ ପରେ ତାଙ୍କର ମୃତ୍ୟୁ ଘଟିଥିଲା ।
ନବରଙ୍ଗପୁର କୋଭିଡ ମେଡିକାଲରେ ଅବ୍ୟବ୍ୟସ୍ଥା !