ନବରଙ୍ଗପୁର: ସ୍ବାଧୀନତା ସଂଗ୍ରାମୀ ସହିଦ ବଗା ପୂଜାରୀଙ୍କ ୭୮ ତମ ବଳିଦାନ ଦିବସ ପାଳିତ ହୋଇଯାଇଛି। ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ବଡ଼ଭରଣ୍ଡି ସ୍ଥିତ ସହିଦ ସ୍ତମ୍ବରେ ପୁଷ୍ପ ମାଲ୍ୟ ଅର୍ପଣ ସାଙ୍ଗକୁ ଗାର୍ଡ ଅଫ୍ ହନର୍ ପ୍ରଦାନ କରାଯାଇଥିଲା । ପୂର୍ବତନ ଉମରକୋଟ ବିଧାୟକ ତଥା ବଗା ପୂଜାରୀଙ୍କ ବଂଶଜ ପରମା ପୂଜାରୀଙ୍କ ଉଦ୍ୟମରେ ଆୟୋଜିତ ଏହି ବଳିଦାନ ଉତ୍ସବରେ ରାଜ୍ୟ ହସ୍ତତନ୍ତ ମନ୍ତ୍ରୀ ପଦ୍ମିନୀ ଦିଆନ, ସଂଖ୍ୟାଲଘୁ ସେଲ୍ ସଭାପତି ମୁନ୍ନା ଖାନ୍, ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀ, ଉମରକୋଟ ବିଧାୟକ ନିତ୍ୟାନନ୍ଦ ଗଣ୍ଡ, ଝରିଗାଁ ବିଧାୟକ ପ୍ରକାଶ ମାଝୀ ଏବଂ ଡାବୁଗାଁ ବିଧାୟକ ମନୋହର ରନ୍ଧାରୀଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଯୋଗଦେଇ ସହିଦ ବଗା ପୂଜାରୀଙ୍କ ସ୍ମୃତି ଚାରଣ କରିଥିଲେ ।
ସ୍ବାଧୀନତା ସଂଗ୍ରାମୀ ବଗା ପୂଜାରୀଙ୍କ ବଳିଦାନ ଦିବସ ପାଳିତ