ଅଡ଼ୁଆରେ ଫିଲ୍ମ ନିର୍ମାତା ରାମ ଗୋପାଲ ବର୍ମା, ଥାନାରେ ଏତଲା

ଦ୍ରୌପଦୀ ମୁର୍ମୁଙ୍କ ସମ୍ପର୍କରେ ଅସଭ୍ୟ ଟିପ୍ପଣୀ ଦେଇ ଅଡ଼ୁଆରେ ପଡ଼ିଛନ୍ତି ଫିଲ୍ମ ନିର୍ଦ୍ଦେଶ ରାମ ଗୋପାଲ ବର୍ମା । ଏନେଇ ନବରଙ୍ଗପୁର ଜିଲ୍ଲା ବିଜେପି ପକ୍ଷରୁ ନବରଙ୍ଗପୁର ଟାଉନ୍ ଥାନାରେ ଏକ ଏତଲା ଦାୟର କରାଯାଇଛି । ଅଧିକ ପଢନ୍ତୁ

ନବରଙ୍ଗପୁର: ନିଜ ବୟାନ ଲାଗି ଅଡୁଆରେ ଫିଲ୍ମ ନିର୍ଦ୍ଦେଶକ ରାମ ଗୋପାଳ ବର୍ମା । ସବୁବେଳେ ବିବାଦୀୟ ବୟାନ ଦେଇ ଚର୍ଚ୍ଚାରେ ରହି ଆସୁଥିବା ଫିଲ୍ମ ନିର୍ଦ୍ଦେଶକ ରାମ ଗୋପାଳ ବର୍ମା ଏବେ ଅଡ଼ୁଆରେ । ଏନଡିଏର ରାଷ୍ଟ୍ରପତି ପ୍ରାର୍ଥୀ ତଥା ଓଡ଼ିଆ ଝିଅ ଦ୍ରୌପଦୀ ମୁର୍ମୁଙ୍କ ସମ୍ପର୍କରେ ଅସଭ୍ୟ ଟିପ୍ପଣୀ ଦେଇ ଅଡ଼ୁଆରେ ପଡ଼ିଛନ୍ତି ଫିଲ୍ମ ନିର୍ମାତା ରାମ ଗୋପାଲ ବର୍ମା । ଏନେଇ ନବରଙ୍ଗପୁର ଜିଲ୍ଲା ବିଜେପି ପକ୍ଷରୁ ନବରଙ୍ଗପୁର ଟାଉନ୍ ଥାନାରେ ଏକ ଏତଲା ଦାୟର କରାଯାଇଛି ।

ରମା ଗୋପାଲ ବର୍ମା ଟ୍ବିଟ ଯୋଗେ ମୁର୍ମୁଙ୍କ ପ୍ରତି ବିବାଦୀୟ ମନ୍ତବ୍ୟ ଦେଇଥିବାରୁ ତାଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛି ଜିଲ୍ଲା ବିଜେପି । ରାମ ଗୋପାଳ ବର୍ମା ଗତ 22 ତାରିଖରେ ଏକ ଟ୍ବିଟ କରି କହିଥିଲେ, ଯଦି ଦ୍ରୌପଦୀ ରାଷ୍ଟ୍ରପତି ତେବେ ପାଣ୍ଡବ କିଏ ? ଏହାଠାରୁ ବି ଗୁରୁତ୍ବପୂର୍ଣ୍ଣ କଥା ହେଉଛି କୌରବ କିଏ ? ତାଙ୍କର ଏପରି ଟ୍ବିଟ୍ ପରେ ସମସ୍ତେ ତାଙ୍କୁ ସମାଲୋଚନା କରିଛନ୍ତି ।

ଇଟିଭି ଭାରତ, ନବରଙ୍ଗପୁର