ନବରଙ୍ଗପୁର: ନାବାଳିକା ଗଣଦୁଷ୍କର୍ମ ଓ ହତ୍ୟା ଘଟଣା । ପୀଡିତାଙ୍କ ଆତ୍ମାର ସଦ୍ଗତି ନିମନ୍ତେ ଏବଂ ଘଟଣାରେ ଜଡିତ ଅଭିଯୁକ୍ତଙ୍କୁ ତୁରନ୍ତ ଗିରଫ ଦାବି କରି ନବରଙ୍ଗପୁରରେ କ୍ୟାଣ୍ଡେଲ ରାଲି । ପୀଡିତାଙ୍କ ପରିବାର, ଜିଲ୍ଲା କଂଗ୍ରେସ ସହ ବିଭିନ୍ନ ସଙ୍ଗଠନ ପକ୍ଷରୁ ଏହି ରାଲି କରାଯାଇଥିଲା ।
ନ୍ୟାୟ ଦାବିରେ ନବରଙ୍ଗପୁରରେ କ୍ୟାଣ୍ଡେଲ ରାଲି
ଘଟଣାକୁ 10 ଦିନ ବିତିଯାଇଥିଲେ ମଧ୍ୟ, ବର୍ତ୍ତମାନ ସୁଦ୍ଧା ପୋଲିସ କାହାକୁ ଗିରଫ କରିନାହିଁ । ଏପରିକି ପୋଲିସ ଅଭିଯୁକ୍ତଙ୍କ ନିକଟରେ ପହଞ୍ଚି ପାରିନଥିବାବେଳେ କେବଳ ଉପର ଠାଉରିଆ ଭାବେ କିଛି ଯୁବକକୁ ପଚରା ଉଚୁରା କରିଥିବାର ଅଭିଯୋଗ କରିଛନ୍ତି ପ୍ରଦର୍ଶନକାରୀ । ରାଜ୍ୟ ସରକାର କୁନ୍ଦୁଲି ଘଟଣା ଲୁଚାଇବା ପାଇଁ ଜାଣିଶୁଣି ତଦନ୍ତ କରୁଥିବାର ମଧ୍ୟ ଅଭିଯୋଗ କରିଛନ୍ତି ପରିବାର ଓ ପ୍ରଦର୍ଶନକାରୀ ।