ଚଳନ୍ତା ବସରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ

ନବରଙ୍ଗପୁର ସହରର ମାଝିଗୁଡା ରୋଡରେ ସର୍ଟ ସର୍କିଟ ଯୋଗୁଁ ଚଳନ୍ତା ବସରେ ନିଆଁ ଲାଗିଛି। ଏଥିରେ କେହି ଆହତ ହୋଇନଥିବା ଖବର ମିଳିଛି।

ନବରଙ୍ଗପୁର: ସର୍ଟ ସର୍କିଟ ଯୋଗୁଁ ଚଳନ୍ତା ବସରେ ଲାଗିଲା ନିଆଁ । ଅଳ୍ପକେ ବର୍ତ୍ତିଲେ ଯାତ୍ରୀ । ଏଭଳି ଘଟଣା ଘଟିଛି ନବରଙ୍ଗପୁର ସହର ମାଝିଗୁଡା ରୋଡରେ ।

ଭୁବନେଶ୍ବରରୁ ଜୟପୁର ଯାଉଥିବା 'ଚକାଡୋଳା' ନାମକ ଘରୋଇ ବସରେ ହଠାତ୍‌ ନିଆଁ ଲାଗିଯାଇଥିଲା। ସଟସର୍କିଟ କାରଣରୁ ଏହି ଅଗ୍ନିକାଣ୍ଡ ହୋଇଥିଲା। ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ନିକଟରେ ଥିବା ଏକ ପେଟ୍ରୋଲ ପମ୍ପରୁ 2ଟି ଗ୍ୟାସ ଆଣି ବସରେ ଲାଗିଥିବା ନିଆଁକୁ ଆୟତ୍ତ କରିଥିଲେ।

ଏହି ବସରେ 15ରୁ 20ଜଣ ଯାତ୍ରୀ ଥିଲେ । ସେମାନଙ୍କ ମଧ୍ୟରୁ କେହି ଯାତ୍ରୀ ଆହତ କିମ୍ବା ଗୁରୁତର ହୋଇନାହାଁନ୍ତି। ବସ ଚଳାଉଥିବା ଡ୍ରାଇଭରଙ୍କ ଉପସ୍ଥିତ ବୁଦ୍ଧି କାରଣରୁ ସମସ୍ତ ଯାତ୍ରୀଙ୍କ ଜୀବନ ବଞ୍ଚିଯାଇଛି। କିଛି ସମୟ ପରେ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚିଥିଲା । ପୋଲିସକର୍ମୀଙ୍କ ତତ୍ପରତା କାରଣରୁ ଯାତ୍ରୀ ଓ ଗାଡି ଚାଳକଙ୍କ ଜୀବନ ବଞ୍ଚିଯାଇଥିବା ଯାତ୍ରୀ କହିଛନ୍ତି ।

ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ