ନବରଙ୍ଗପୁର:ଜିଲ୍ଲା ପାପଡାହାଣ୍ଡି ହରିଣ ଉଦ୍ୟାନ ନିକଟରେ ଜିଲ୍ଲା ଭାରତୀୟ ଜନତା ପାର୍ଟିର ଜିଲ୍ଲା କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି । ପୂର୍ବ କାର୍ଯ୍ୟକାରିଣୀର ଚିଠା ପ୍ରସ୍ତାବ ପାଠ କରାଯିବା ସହ ଅନୁଷ୍ଠିତ କାର୍ଯ୍ୟକାରିଣୀର ଚିଠା ପ୍ରସ୍ତାବ ପାରିତ ହୋଇଛି । ଆଗାମି ନିର୍ବାଚନ ପାଇଁ ରଣନିତୀ ପ୍ରସ୍ତୁତ କରିବା, କେନ୍ଦ୍ରର ସମସ୍ତ ନିର୍ଦ୍ଦେଶକୁ ବୁଥ୍ ସ୍ତରରେ କାର୍ଯ୍ୟକାରୀ କରିବା, କେନ୍ଦ୍ର ସରକାରଙ୍କ ସମସ୍ତ ଜନହିତକର ଯୋଜନା ବିଷୟରେ ଲୋକଙ୍କୁ ଅବଗତ କରାଇବା ଉପରେ ଗୁରୁତ୍ବ ଦେବାକୁ ଆଲୋଚନା ହୋଇଛି ।
ଓଡ଼ିଶାର ସମସ୍ତ ପରିବାରକୁ ଛାତ ଯୋଗାଇ ଦେବା ଉଦ୍ଧେଶ୍ୟରେ ୯ ଲକ୍ଷ ୫୮ ହଜାର ପ୍ରଧାନମନ୍ତ୍ରୀ ଆବାସ ଗୃହ ଯୋଗାଇ ଦେଇ ଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଅର୍ପଣ କରିଛନ୍ତି କର୍ମକର୍ତ୍ତା । ଜଣେ ବି ଯୋଗ୍ୟ ହିତାଧିକାରୀ ପ୍ରଧାନମନ୍ତ୍ରୀ ଆବାସ ଯୋଜନାରେ ବଞ୍ଚିତ ନ ହେବା ଦିଗକୁ ଗୁରୁତ୍ବ ଦେବାକୁ ସମସ୍ତ କାର୍ଯ୍ୟକର୍ତ୍ତାଙ୍କୁ ଅବଗତ କରାଯାଇଥିଲା । ଜାନୁଆରୀ ୩୧ ତାରିଖରୁ ହିତାଧିକାରୀ ଚୟନରେ ଚଞ୍ଚକତା ବିରୋଧରେ ପ୍ରତିବାଦ ସ୍ୱରୂପ ବ୍ଲକ ଅଫିସ ଘେରାଉ କରି ଗରୀବ ନିରୀହଙ୍କ ହକ୍ ଛଡ଼ାଇ ଆଣିବାକୁ କାର୍ଯ୍ୟକ୍ରମ ସ୍ଥିର ହୋଇଛି । ଏହି କାର୍ଯ୍ୟକ୍ରମରେ ଜିଲ୍ଲା ସଭାପତି ଜଗଦିଶ ବିଷୋୟୀ ସଭାପତିତ୍ବ କରିଥିଲେ ଅତିଥି ଭାବେ ବିଗତ ଦିନରେ ଝାରଖଣ୍ଡ ରାଜ୍ୟ ପ୍ରଭାରୀ ରହି ଭାରତୀୟ ଜନତା ପାର୍ଟିକୁ ସରକାର ଗଢିବାରେ ମୂଖ୍ୟ ଭୂମିକା ନିର୍ବାହ କରିଥିଲେ ।