ନବରଙ୍ଗପୁର:ମନ୍ଦିର ଭିତରେ ଭାଲୁ । ନବରଙ୍ଗପୁର ତେନ୍ତୁଳିଖୁଣ୍ଟି ତାରିଣୀ ମନ୍ଦିର ପରିସରରେ ରବିବାର ଏକ ଭାଲୁ ବୁଲୁଥିବା ଦେଖିବାକୁ ମିଳିଛି । ଭାଲୁଟି ପାଚେରୀ ଡେଇଁ ମନ୍ଦିରକୁ ପ୍ରବେଶ କରିଥିବା କିଛି ଗ୍ରାମବାସୀ ଦେଖିବାକୁ ପାଇଥିଲେ । ଏହାପରେ ଭାଲୁଟି ଦାନ ଜମି ଦେଇ ମନ୍ଦିରରୁ ବାହାରି ପଳାଇଥିଲା । କାହାର କିଛି କ୍ଷତି କରିନଥିଲେ ହେଁ ଭାଲୁକୁ ଦେଖି ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଥିଲା ।
ମନ୍ଦିର ବେଢାରେ ବୁଲୁଛି ଭାଲୁ, ଲୋକେ ଆତଙ୍କିତ
ତେବେ କିଛି ସମୟ ମଧ୍ୟରେ ଭାଲୁକୁ ଦେଖିବାକୁ ସାହି ଲୋକ ଜମା ହୋଇଥିଲେ । ତେବେ ମନ୍ଦିର ଭିତରେ ପ୍ରବେଶ କରିବାକୁ ଉଦ୍ୟମ କରୁଥିବାବେଳେ ମନ୍ଦିର ଗ୍ରୀଲ ବନ୍ଦ ଥିବାରୁ ଭିତରକୁ ପଶି ପାରିନଥିଲା । ଭାଲୁଟି ଖାଦ୍ୟ ଅନ୍ବେଷଣରେ ମନ୍ଦିର ଭିତରେ ଆସିଥିବା କୁହାଯାଉଛି ।