ନବରଙ୍ଗପୁର: ଜଙ୍ଗଲ କ୍ଷୟ ଯୋଗୁଁ ବନ୍ୟଜନ୍ତୁ ଧିରେଧିରେ ଗାଁ ମୁହାଁ ହେଲେଣି । ଦୀର୍ଘ ଦିନ ହେଲା ନବରଂଗପୁର ଜିଲ୍ଲାରେ ଭାଲୁର ଦୌରାତ୍ମ ବଢିବାରେ ଲାଗିଛି। ନବରଂଗପୁର ଜିଲ୍ଲା ଉମରକୋଟ ସହର ଠାରୁ ୫ କିଲୋମିଟର ଦୂରରେ ଥିବା ବୁର୍ଜା ଗାଁରେ ସୋମବାର ରାତି ତମାମ ମା’ ଓ ଛୁଆ ୨ଟି ଭାଲୁ ପଶିକି ଆତଙ୍କ ଖେଳାଇଥିଲେ ।
ନବରଙ୍ଗପୁରରେ ଭାଲୁ ଆତଙ୍କ, ଗାଁରେ ପଶିବାରୁ ଲୋକେ ଭୟଭୀତ
ଠିକ୍ ସକାଳେ ଗାଁର ୨ ମହିଳା ଗାଁଦାଣ୍ଡରେ ଭାଲୁ କଥା ହେଉଥିବା ବେଳେ, ୨ଟି ତାଙ୍କ ପଛରେ ଠିଆ ହେଇଥିବା ଦେଖି ପ୍ରାଣ ବିକଳରେ ଦୌଡ଼ି ପଳାଇଥିଲେ । ଭାଲୁମାନେ ରାତିସାରା ଗ୍ରାମର ବିଭିନ୍ନ ଲୋକଙ୍କ ବହୁ ଗଛ ପତ୍ର ମଧ୍ୟ ନଷ୍ଟ କରିଦେଇଛନ୍ତି । କିଛି ଯୁବକ ହାତରେ ନିଆଁ ହୁଳା ଧରି ସେମାନଙ୍କୁ ଘୋଉଡାଇବା ପରେ ଭାଲୁ ଦ୍ବୟ ଭୟରେ ନିକଟସ୍ଥ ଜଙ୍ଗଲକୁ ଚାଲି ଯାଇଥିଲେ ।