ନବରଙ୍ଗପୁର:ଚନ୍ଦାହାଣ୍ଡି ଘାଟିରେ ଅଟୋ ଓଲଟି ୯ ଶ୍ରମିକ ଆହତ । ଝରିଗାଁ ଚନ୍ଦାହାଣ୍ଡି ମୁଖ୍ୟ ରାସ୍ତାରେ ଥିବା ଘାଟିରେ ଅଟୋ ଓଲଟିବା ଫଳରେ 9 ଜଣ ଶ୍ରମିକ ଆହତ ହୋଇଛନ୍ତି । ତୁରନ୍ତ ସେମାନଙ୍କୁ ନିକଟସ୍ଥ ହସପିଟାଲରେ ଭର୍ତ୍ତି କରାଯାଇଛି ।
ସୂଚନାଅନୁଯାୟୀ କୋଷ।ଗୁମୁଡା ବ୍ଲକ ଅନ୍ତର୍ଗତ ବାଲିଗାଁ ଏବଂ ବଡଗୁଡା ଗ୍ରାମର 10 ଜଣ ଶ୍ରମିକ ଗାଁର ଏକ ଅଟୋ ଭଡା କରି ଚନ୍ଦାହାଣ୍ଡି ସଦର ମହକୁମା ସ୍ଥିତ ଏକ ମେଟାଲ କଂକ୍ରିଟ କାର୍ଯ୍ୟରେ ଶ୍ରମିକ କାର୍ଯ୍ୟ କରିବାକୁ ଘରୁ ବାହାରି ଥିଲେ । ତେବେ ଚନ୍ଦାହାଣ୍ଡି ଘାଟି ଠାରେ ବ୍ରେକ ଫେଲ ହେବାରୁ ଅଟୋ ଉପରୁ ଡ୍ରାଇଭର ନିୟନ୍ତ୍ରଣ ହରାଇବା ଫଳରେ ଦୁର୍ଘଟଣା ଘଟିଥିଲା । ଫଳରେ ଅଟୋରେ ଥିବା ଶ୍ରମିକ ମାନଙ୍କ ମଧ୍ୟରୁ ୯ଜଣ ଯଥାକ୍ରମେ ରାମସାଏ ଭତରା(୩୫) ଲମ୍ବୁ ଗୌଡ଼(୩୦) ପଦମନ ଭତରା(୩୫) ପିଲୁ ଭତରା(୧୭) ସୁଦର ଭତର(୩୫) ମୋତିସିଂ ଭତରା(୩୫) ଅରୁଣ ଭତରା(୨୯) କରମସିଂ ମାଝୀ(୧୭) ଭରତ ଭତରା(୩୫) ପ୍ରମୁଖ ଶ୍ରମିକଙ୍କୁ ମୁଣ୍ଡରେ ହାତରେ ଏବଂ ଗୋଡ଼ରେ ଗଭୀର ଆଘାତ ଲାଗିଥିଲା ।