ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ କଲେ ଆଶାକର୍ମୀ

ଭାରତୀୟ ମଜଦୁର ସଙ୍ଘ ଦ୍ବାରା ପରିଚାଳିତ ଓଡିଶା ରାଜ୍ୟ ଆଶାକର୍ମୀ ସଙ୍ଘ ନବରଙ୍ଗପୁର ଜିଲ୍ଲା ତରଫରୁ ଗତକାଲି ଜିଲ୍ଲାର ସମସ୍ତ ବ୍ଲକର ଆଶାକର୍ମୀ ଏକତ୍ରିତ ହୋଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି । ଅଧିକ ପଢନ୍ତୁ

ନବରଙ୍ଗପୁର: ଆଶାକର୍ମୀଙ୍କ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ । ଭାରତୀୟ ମଜଦୁର ସଙ୍ଘ ଦ୍ବାରା ପରିଚାଳିତ ଓଡିଶା ରାଜ୍ୟ ଆଶାକର୍ମୀ ସଙ୍ଘ ନବରଙ୍ଗପୁର ଜିଲ୍ଲା ତରଫରୁ ଗତକାଲି ଜିଲ୍ଲାର ସମସ୍ତ ବ୍ଲକର ଆଶାକର୍ମୀ ଏକତ୍ରିତ ହୋଇଥିଲେ । ଏନେଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ଅଫିସ ଭିତରକୁ ଧସେଇ ପଶିଥିଲେ ଆଶାକର୍ମୀ l

ତେବେ ଦୀର୍ଘଦିନ ଧରି ଶୀତ କାକରରେ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଥିବା ବେଳେ ଗତକାଲି ଜେଲ ଭରୋ ଆନ୍ଦୋଳନ ଡାକରା ଦେଇଥିଲେ ଆଶା କର୍ମୀ l ମୁଖ୍ୟମନ୍ତ୍ରୀ, ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ମନ୍ତ୍ରୀଙ୍କ ଉଦ୍ଦେଶ୍ୟରେ 7 ଦଫା ଦାବିପତ୍ର ପ୍ରଦାନ ପରାଯାଇଥିବା ସତ୍ତ୍ବେ ମଧ୍ୟ ଏଯାବତ ଦାବି ଉପରେ ବିଚାର କରାଯାଇନାହିଁ l

ଏନେଇ ଜିଲ୍ଲାରେ କାର୍ଯ୍ୟରତ ପ୍ରତି ବ୍ଲକର ଆଶା କର୍ମୀ ଏକତ୍ରିତ ହୋଇ ବସଷ୍ଟାଣ୍ଡ ଠାରୁ ଏକ ବିଶାଳ ରାଲିରେ ଆସି ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ପହଞ୍ଚି ଘେରାଉ କରିଥିଲେ l 5 ତାରିଖ ଠାରୁ ପ୍ରତ୍ୟେକ ବ୍ଲକର ଆଶା ଦିଦି ମାନେ ଗୋଟିଏ ଦିନ ଲେଖାଏଁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ସକାଳ ୧୦ ଘଣ୍ଟା ଠାରୁ ଅପରାହ୍ନ ୪ ଘଣ୍ଟା ଯାଏ ଅନିର୍ଦ୍ଦିଷ୍ଟକାଳ ପର୍ଯ୍ୟନ୍ତ ଧାରଣା ଦେଇଥିଲେ l

ଅନ୍ୟପଟେ ଆଶା କର୍ମୀଙ୍କ ମୁଖ୍ୟ 7 ଗୋଟି ଦାବି ସରକାର ପୂରଣ ନ କରିବା ଯାଏଁ ଆନ୍ଦୋଳନରୁ ଓହରିବାର ପ୍ରଶ୍ନ ଉଠୁନାହିଁ ବୋଲି ଚେତାବନୀ ଦେଇଛନ୍ତି l ଗୋଟିଏ ପଟେ ଆଶାକର୍ମୀ ଅନ୍ୟପଟେ ଅଙ୍ଗନୱାଡିଙ୍କ ଆନ୍ଦୋଳନ 18 ଦିନରେ ପହଁଚିଛି l ତେବେ କର୍ମୀ ମାନଙ୍କ ଆନ୍ଦୋଳନ କେତେ ମାତ୍ରାରେ ଫଳପ୍ରଦ ହେଉଛି ଏବେ ତାହା ହିଁ ଦେଖିବାକୁ ବାକି ରହିଲା l

ଇଟିଭି ଭାରତ, ନବରଙ୍ଗପୁର