ନବରଙ୍ଗପୁରରୁ ପୁଣି 257 କରୋନା ପଜିଟିଭି ଚିହ୍ନଟ

ନବରଙ୍ଗପୁରରୁ ବଢୁଛି କରୋନା ସଂକ୍ରମଣ । ଗୁରୁବାର 207 କରୋନା ପଜିଟିଭି ଚିହ୍ନଟ ହୋଇଥିବା ଆଜି (ଶୁକ୍ରବାର) ଏହା 257କୁ ବୃଦ୍ଧି ପାଇଛି l ଅଧିକ ପଢନ୍ତୁ...

ନବରଙ୍ଗପୁର: ନବରଙ୍ଗପୁର ଜିଲ୍ଲାରେ ବଢୁଛି କରୋନା ସଂକ୍ରମଣ । ମୁଖ୍ୟତଃ ପଡ଼ୋଶୀ ଛତିଶଗଡ଼ ସୀମାବର୍ତ୍ତୀ ବ୍ଲକର ଗ୍ରାମାଞ୍ଚଳ ସ୍ଥିତି ଭୟାବହ ହେବାରେ ଲାଗିଛି। ଗୁରୁବାର ଦିନ 207 କରୋନା ପଜିଟିଭି ଚିହ୍ନଟ ହୋଇଥିବା ଆଜି (ଶୁକ୍ରବାର) ଏହା 257କୁ ବୃଦ୍ଧି ପାଇଛି l

ନବରଙ୍ଗପୁରରେ ପୁଣି 257 କରୋନା ପଜିଟିଭି ଚିହ୍ନଟ

ଆଜି ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ ଚନ୍ଦାହାଣ୍ଡି ବ୍ଲକରୁ 100, ରାଇଘର ବ୍ଲକରୁ 49, ଉମରକୋଟ ପୌରାଞ୍ଚଳରୁ 25, ଝରିଗାଁ ବ୍ଲକରୁ 23, ଉମରକୋଟ ବ୍ଲକରୁ 22, ପାପଡାହାଣ୍ଡିରୁ 9, ନବରଙ୍ଗପୁର ପୌରାଞ୍ଚଳ ଓ କୋଷାଗୁମୁଡା, ତେନ୍ତୁଳିଖୁଣ୍ଟି ବ୍ଲକରୁ 7ଜଣ ଲେଖାଏଁ, ନନ୍ଦାହାଣ୍ଡି ବ୍ଲକରୁ 5 , ଡାବୁଗାଁ ବ୍ଲକରୁ 2, ନବରଙ୍ଗପୁର ବ୍ଲକରୁ ଜଣେ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି l

ଏହାକୁ ମିଶାଇ ଜିଲ୍ଲାରେ ମୋଟ କରୋନା ସଂକ୍ରମିତଙ୍କ ସଂଖ୍ୟା7 ହଜାର 855ରେ ପହଞ୍ଚିଛି l ସେଥିମଧ୍ୟରୁ 6 ହଜାର 258 ଜଣ ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି l ଜିଲ୍ଲାରେ ବର୍ତ୍ତମାନ ସୁଦ୍ଧା ସମୁଦାୟ 2 ଲକ୍ଷ 32 ହାଜର 332 ଜଣଙ୍କ କୋଭିଡ ପରୀକ୍ଷା କରାଯାଇଛି । ଜିଲ୍ଲାରେ ବର୍ତ୍ତମାନ ସୁଦ୍ଧା 1543 ଜଣ ସକ୍ରିୟ ଆକ୍ରାନ୍ତ ରହିଛନ୍ତି । ଏନେଇ ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି l

ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ