ନବରଙ୍ଗପୁର: ଦିନ ଦ୍ବିପ୍ରହରେ ହଠାତ୍ ନିଆଁ ଲାଗି ସମ୍ପୂର୍ଣ୍ଣ ପୋଡି ପାଉଁଶ ହୋଇଯାଇଛି ବାଲି ବୋଝେଇ ଟ୍ରାକ୍ଟର । ଘଟଣା ଘଟିଛି କୋଷାଗୁମୁଡା ବ୍ଲକ ସୀମାନ୍ତ ଛତିଶଗଡ ରାଜ୍ୟ ବସ୍ତର ଜିଲ୍ଲା ଜଗଦଲପୁର ବ୍ଲକ ମଗନପୁର ଗାଁରେ । ସୋମବାର ଅର୍ଜୁନ ସେଠିଆଙ୍କ ଟ୍ରାକ୍ଟରରେ ଏହି ନିଆଁରେ ପୋଡି ପାଉଁଶ ହୋଇଯାଇଥିବା ଜଣା ପଡିଛି ।
ଦିନ ଦ୍ବିପ୍ରହରେ ଜଳିଗଲା ବାଲି ବୋଝେଇ ଟ୍ରାକ୍ଟର, ସମସ୍ତେ ସୁରକ୍ଷିତ
ସୂଚନା ଅନୁଯାୟୀ ସୋମବାର ଏନଏମଡିସି ପ୍ଲାଣ୍ଟର ଏକ ଟ୍ରାକ୍ଟର ଓଡିଶାର ଆଳୁପଦର ନିକଟସ୍ଥ ଇଦ୍ରାବତୀ ନଦୀରୁ ବାଲି ଲୋଡ କରିଥିଲା । ବାଲି ଲୋଡ କରି ଡ୍ରାଇଭର ଜଣକ ଟ୍ରାକ୍ଟରକୁ ଷ୍ଟାର୍ଟ କରିବା ବେଳେ ହଠାତ ଟ୍ରାକ୍ଟର ଇଞ୍ଜିନରୁ ନିଆଁ ବାହାରିଥିଲା । ଏହା ଦେଖି ଟ୍ରାକ୍ଟର ଡ୍ରାଇଭର ଓ ଟ୍ରାକ୍ଟରରେ ଥିବା ସମସ୍ତ ଶ୍ରମିକ ଟ୍ରାକ୍ଟରରୁ ଓହ୍ଲାଇ ଯାଇଥିଲେ । କିନ୍ତୁ ଟ୍ରାକ୍ଟରରେ ଚାରିଆଡେ ନିଆଁ ଲାଗି ସମ୍ପୂର୍ଣ୍ଣ ଜଳିଯାଇଥିବା ଜଣାପଡ଼ିଛି ।