ନବରଙ୍ଗପୁର: କଥାରେ ଅଛି "ଯାହାର ଭକ୍ତି ଯେଡେ ତାହାର ପ୍ରଭୁ ସେଡେ" ଯିଏ ଭଗବାନଙ୍କୁ ଯେମିତି ପୂଜା କରେ ଭଗବାନ ତାଙ୍କୁ ସେମିତି ଦେଖାଦିଅନ୍ତି । କେତେବେଳେ କେଉଁ ରୂପରେ ଆଉ କେଉଁଠାରେ ଭଗବାନ ଦେଖା ଯାଆନ୍ତି ତାହା ଭଗବାନ ହିଁ ଜାଣନ୍ତି । ଏମିତି କିଛି ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଉମରକୋଟରେ ।
ରୁଟିରେ ଦେଖାଦେଲେ ଜଗନ୍ନାଥ
ଉମରକୋଟ ଟିକିରା ସାହିରେ ରହନ୍ତି ବ୍ୟବସାୟୀ ସୁର ରାଉତ । ତାଙ୍କ ସ୍ତ୍ରୀ ଅନିତା ରାଉତ ମହାପ୍ରଭୁ ଜଗନ୍ନାଥଙ୍କ ପରମ ଭକ୍ତ ହୋଇଥିବାବେଳେ ସବୁଦିନ ମହାପ୍ରଭୁ ଜଗନ୍ନାଥଙ୍କୁ ପୂଜା କରନ୍ତି । ଦୁଇଦିନ ପୂର୍ବରୁ ଅନିତା ଘରେ ରୁଟି ତିଆରି କରୁଥିଲେ । ଏବଂ ରୁଟି ତିଆରି ସରିବା ପରେ ସ୍ବାମୀଙ୍କୁ ଖାଇବାକୁ ଦେବା ସମୟରେ ଦେଖିବାକୁ ପାଇଥିଲେ ଯେ ସେ ତିଆରି କରିଥିବା ରୁଟିରେ ଜଗନ୍ନାଥଙ୍କ ଛବି ରହିଛି ।