ନବରଙ୍ଗପୁର: ବହୁ ଦିନର ଦାବି ପରେ ନବରଙ୍ଗପୁର ଜିଲ୍ଲା କୋଡିଙ୍ଗା ଠାରେ ନୂତନ ବିଚାର ବିଭାଗୀୟ ପ୍ରଥମ ଶ୍ରେଣୀ ଅଦାଲତ ସ୍ଥାପନ ପାଇଁ ଉଚ୍ଚ ନ୍ୟାୟାଳୟଙ୍କ ତରଫରୁ ଅନୁମତି ପ୍ରଦାନ କରିଛନ୍ତି । ଏହାକୁ ନେଇ ଓଡିଶା ଉଚ୍ଚ ନ୍ୟାୟାଳୟର ମୁଖ୍ୟବିଚାରପତିଙ୍କୁ କୃତଞ୍ଜତା ଜ୍ଞାପନ କରାଯାଇଛି ।
ପ୍ରାୟ 32 ଟି ପଞ୍ଚାୟତର ଜନସାଧାରଣ ଅଦାଲତ ସମ୍ବନ୍ଧୀୟ କାର୍ଯ୍ୟ ପାଇଁ ନବରଙ୍ଗପୁର ଉପରେ ନିର୍ଭର କରୁଥିଲେ । ପ୍ରାୟ 50 କିଲୋମିଟର ଦୂରରେ ଥିବା ନବରଙ୍ଗପୁର ସହରକୁ ଗମନାଗମନର ଯଥେଷ୍ଟ ସୁବିଧା ନଥିଲା । ଏହାକୁ ନେଇ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଥିଲେ । ମାନସିକ, ଶରୀରିକ ଓ ଆର୍ଥିକ ଦୃଷ୍ଟିରୁ ବହୁତ ହଇରାଣ ହରକତ ହେଉଥିଲେ । ଲୋକଙ୍କ ଏହି ସମସ୍ୟାକୁ ନେଇ ଅନେକ ସମୟରେ କୋଡିଙ୍ଗା ଠାରେ ଏକ ନୂତନ ବିଚାର ବିଭାଗୀୟ ପ୍ରଥମ ଶ୍ରେଣୀ ଅଦାଲତ ସ୍ଥାପନ ପାଇଁ ଦାବି ହୋଇ ଆସୁଥିଲା ।
କୋଡିଙ୍ଗାରେ ସ୍ଥାପନ ହେବ ପ୍ରଥମ ଶ୍ରେଣୀ ଅଦାଲତ