ନବରଙ୍ଗପୁର: 712 କିଲୋଗ୍ରାମ ଗଞ୍ଜେଇ ଜବତ କଲା ଉମରକୋଟ ପୋଲିସ । ନବରଙ୍ଗପୁର ଜିଲ୍ଲା ଉମରକୋଟ ପୋଲିସ ପକ୍ଷରୁ ଚାନ୍ଦିଆବେଡ଼ା ଗ୍ରାମରେ ଚଢାଉ କରାଯାଇ ୭୧୨ କେଜି ଗଞ୍ଜେଇ ଜବତ ସହ ଜଣେ ଆସାମ ରାଇଫଲରେ କାର୍ଯ୍ୟରତ ପୋଲିସ କର୍ମଚାରୀଙ୍କ ସମେତ ୪ ଜଣକୁ ଗିରଫ କରାଯାଇଛି । ଏନେଇ ରବିବାର ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଉମରକୋଟ ଏସଡିପିଓ ଡ. ଦିନେଶ ନାୟକ ।
712 କେଜି ଗଞ୍ଜେଇ ଜବତ
ପ୍ରାପ୍ତ ସୂଚନା ମୁତାବକ, କୌଣସି ଏକ ବିଶେଷ ସୂତ୍ରରୁ ଖବର ପାଇ ଉମରକୋଟ ଏସଡିପିଓ ଡ. ଦିନେଶ କୁମାର ନାୟକଙ୍କ ନେତୃତ୍ବରେ ଥାନା ଅଧିକାରୀ ନରେଶ କୁମାର ପ୍ରଧାନ ନିଜ ଏକ ସ୍ବତନ୍ତ୍ର ଟିମ ସହ ଉମରକୋଟ ଥାନା ଅନ୍ତର୍ଗତ ଚାନ୍ଦିଆବେଡା ଗ୍ରାମର ରବି ନାରାୟଣ ସମରଥଙ୍କ ଘରେ ଚଢାଉ କରିଥିଲେ ।