ନବରଙ୍ଗପୁର: ୬ଟି କେନ୍ଦୁପତ୍ର ବୋଝେଇ ଟ୍ରକ ଜବତ କରିଛି ନବରଙ୍ଗପୁର ପୋଲିସ । ବେପରୁଆ ଗାଡି ଚାଲାଣ ଓ ବିପଦପୂର୍ଣ୍ଣ ଅବସ୍ଥାରେ ଆବଶ୍ୟକତା ଠାରୁ ଅଧିକ କେନ୍ଦୁପତ୍ର ବୋଝେଇ ଯୋଗୁଁ ପୋଲିସ ଟ୍ରକ ଗୁଡିକୁ ଜବତ କରିବା ସହ ତଦନ୍ତ ଜାରି ରଖିଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ସୂଚନାନୁଯାୟୀ, ବିଳମ୍ବିତ ରାତିରେ ପୋଲିସ ପାଟ୍ରୋଲିଂ ସମୟରେ ଦ୍ରୁତ ଗତିରେ ଯାଉଥିବା ଏହି ଟ୍ରକକୁ ଅଟକାଇବାକୁ ଚେଷ୍ଟା କରିଥିଲା । କିନ୍ତୁ 6ଟି ଯାକ ଟ୍ରକ ଗାଡି ନ ଅଟକାଇ ଚାଲି ଯାଇଥିଲା । ପରେ ପୋଲିସ ଟ୍ରକ ଗୁଡିକୁ ଗୋଡାଇ 6 ଜଣ ଡ୍ରାଇଭରକୁ ଗିରଫ କରି କୋର୍ଟଚାଲାଣ କରିଥିବା ବେଳେ ଟ୍ରକ ଭିତରେ ଅନ୍ୟ ଜିନିଷ ଥିବା ସନ୍ଦେହ କରିଛି ପୋଲିସ l