ନବରଙ୍ଗପୁର: ନାବାଳିକାକୁ ବିକ୍ରି ଅଭିଯୋଗରେ 6 ଜଣଙ୍କୁ ଗିରଫ କରିଛି ନବରଙ୍ଗପୁର ପୋଲିସ। ଗିରଫ ଅଭିଯୁକ୍ତଙ୍କ ମଧ୍ୟରେ 4 ମହିଳା ମଧ୍ୟ ସାମିଲ ରହିଛନ୍ତି। ନାବାଳିକାଙ୍କୁ ବିକ୍ରି କରାଯାଇଥିବା ନେଇ ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି। କାମ ଦେବା ବାହାନାରେ ଗିରଫ 6ଜଣ ଦିଲ୍ଲୀ ନେଇଯାଇଥିଲେ। ସେଠାରେ ନାବାଳିକାଙ୍କ ଅନିଚ୍ଛା ସତ୍ତ୍ବେ ଜଣଙ୍କ ସହ ବିବାହ କରାଇ ଦିଆଯାଇଥିବା ଚାଞ୍ଚଲ୍ୟକର ଅଭିଯୋଗ ହୋଇଛି।
ନାବାଳିକାକୁ ବିକ୍ରି କରି 6 ଦଲାଲ ଗିରଫ
ପରିବାର ଲୋକଙ୍କ ଅଭିଯୋଗ ମୁତାବକ ଉମରକୋଟ ଅଞ୍ଚଳର ଏକ ଗ୍ରାମର ମଙ୍ଗଳ ସିଂ ହରିଜନ ଓ ମନିତା କମାର ନାମକ ଦୁଇଜଣ ମହିଳା ଓ ପୁରୁଷ ନାବାଳିକା ଜଣଙ୍କୁ କାମ କରିବାକୁ ଯିବା ବାହାନାରେ 2020 ମସିହା ଅଗଷ୍ଟ 20 ତାରିଖରେ ଘରୁ ଡାକି ନେଇ ଯାଇଥିଲେ। ଏହାପରେ ଗ୍ରାମଠୁ କିଛି ଦୂରରୁ ପର୍ଶୁ ସାନ୍ତା ଓ ମନିତା ଏକ କାର ଯୋଗେ ନବରଙ୍ଗପୁର ସ୍ଥିତ ତଟାସାହିକୁ ନେଇ ଯାଇଥିଲେ। ସେଠାରେ ନାବାଳିକାଙ୍କୁ 3 ମାସ କାମ କରାଇବା ସହ ଘର ଲୋକଙ୍କ ସମ୍ପର୍କ କରିବାକୁ ଦିଆ ଯାଇନଥିଲା।