ନବରଙ୍ଗପୁର: ଚଳିତ ସାଧାରଣ ନିର୍ବାଚନର ପ୍ରଥମ ପର୍ଯ୍ୟାୟ ମତଦାନ ସୁରୁଖୁରୁରେ ଚାଲିଛି । ଏହି ଅବସରରେ ନବରଙ୍ଗପୁର ସଂରକ୍ଷିତ ସଂସଦୀୟ କ୍ଷେତ୍ରରୁ ପୂର୍ବତନ ସାଂସଦ ତଥା ଚଳିତ ଥର ବିଜେପିରୁ ପ୍ରାର୍ଥୀ ବଳଭଦ୍ର ମାଝୀ ମତଦାନ କରିଛନ୍ତି । ନିଜ ପତ୍ନୀଙ୍କ ସହ ଆସି ମତଦାନ କେନ୍ଦ୍ରରେ ପହଞ୍ଚିଥିଲେ ସେ ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର ନିଜର ପୈତୃକ ଗ୍ରାମ ଲୁଦୁପଡାର 79 ନମ୍ବର ବୁଥରେ ମତଦାନ କରିଥିଲେ ବଳଭଦ୍ର । ଏହି ଗାଁ ଜିଲ୍ଲାର ଚନ୍ଦାହାଣ୍ଡି ବ୍ଲକରେ ଅବସ୍ଥିତ । ଗତ ଥର ନବରଙ୍ଗପୁର ଆସନରୁ ବିଜେଡି ଟିକେଟରେ ସାଂସଦ ଭାବେ ନିର୍ବାଚିତ ହୋଇଥିଲେ ସେ । ଏଥର ଦଳ ବଦଳ କରି ବଳଭଦ୍ର ବିଜେପିରୁ ସାଂସଦ ପ୍ରାର୍ଥୀ ଭାବେ ନିର୍ବାଚନରେ ଅବତୀର୍ଣ୍ଣ ହୋଇଛନ୍ତି ।
ନବରଙ୍ଗପୁରରୁ ତପନ ବିଷୋୟୀ, ଈଟିଭି ଭାରତ
