ବାରିପଦା:ମୟୂରଭଞ୍ଜ ଜିଲ୍ଲା ଝାରପୋଖରିଆ ଥାନା ଭାଦୁଆ ଗାଁରେ ସୋମବାର ସକାଳୁ ଜଣେ ଯୁବକଙ୍କୁ ଭାଲୁ ଆକ୍ରମଣ କରି ଗୁରୁତର କରିଛି । ତେବେ ଯୁବକ ଜଣକ ମହୁଲ ଫୁଲ ସଂଗ୍ରହ କରିବାକୁ ଯିବା ସମୟରେ ଭାଲୁ ଆକ୍ରମଣର ଶିକାର ହୋଇଥିବା ଜଣାପଡିଛି ।
ଭାଲୁ ଆକ୍ରମଣରେ ଯୁବକ ଗୁରୁତର
ସୂଚନା ଅନୁଯାୟୀ ଭାଦୁଆ ଗ୍ରାମର ଶଙ୍କର ସିଂ ନାମକ ଜଣେ ଯୁବକ ଗାଁ ନିକଟରେ ଥିବା ଜଙ୍ଗଲକୁ ମହୁଲ ଫୁଲ ସଂଗ୍ରହ ପାଇଁ ଯାଇଥିଲେ । ତେବେ ମହୁଲ ଫୁଲ ସଂଗ୍ରହ କରୁଥିବା ସମୟରେ ଅଚାନକ ଭାଲୁ ଆକ୍ରମଣ କରିଥିଲା । ଶଙ୍କରର ଚିତ୍କାର ଶୁଣି ଗ୍ରାମବାସୀ ପଳାଇ ଆସିବାରୁ ଉକ୍ତ ସ୍ଥାନକୁ ଯିବା ପରେ ଭାଲୁଟି ପଳେଇ ଯାଇଥିଲା । ତେବେ ଗୁରୁତର ଅବସ୍ଥାରେ ଯୁବକ ଜଣଙ୍କୁ ଗ୍ରାମବାସୀମାନେ ଉଦ୍ଧାର କରି ପ୍ରଥମେ ଶୀର୍ଷା ହସ୍ପିଟାଲରେ ଭର୍ତ୍ତି କରିଥିଲେ ।