ଜଙ୍ଗଲରୁ ଯୁବକଙ୍କ ଗଳିତ ମୃତଦେହ ଉଦ୍ଧାର, ମୃତ୍ୟୁର କାରଣ ଅସ୍ପଷ୍ଟ

ମୟୂରଭଞ୍ଜ ଜିଲ୍ଲା ତିରିଂ ଥାନା ଇନ୍ଦଖୋଳି ଗ୍ରାମ ବଙ୍ଗା ଡୁଙ୍ଗୁରିରୁ ଜଣେ ଯବକଙ୍କ ଗଳିତ ମୃତଦେହ ଉଦ୍ଧାର ହୋଇଛି । ସମ୍ପୂର୍ଣ୍ଣ ଖବର ପଢନ୍ତୁ....

ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ତିରିଂ ଥାନା ଇନ୍ଦଖୋଳି ଗ୍ରାମ ବଙ୍ଗା ଡୁଙ୍ଗୁରିରୁ ଜଣେ ଯୁବକଙ୍କ ଗଳିତ ମୃତଦେହ ଉଦ୍ଧାର ହୋଇଛି । ମୃତ୍ୟୁର କାରଣ ଅସ୍ପଷ୍ଟ ରହିଥିବାବେଳେ ମୃତ ଯୁବକ ଜଣକ ଇନ୍ଦଖୋଳି ଗ୍ରାମର ଲାଲ ମୋହନ ମୁଣ୍ଡାଙ୍କ ପୁଅ ଇନ୍ଦ୍ରଜିତ ମୁଣ୍ଡା(32) ବୋଲି ଜଣାପଡିଛି ।

ଇନ୍ଦଖୋଳି ଗ୍ରାମ ନିକଟସ୍ଥ ବାଙ୍ଗା ଡୁଙ୍ଗୁରି (ଗ୍ରାମ ନିକଟରେ ଥିବା ଛୋଟିଆ ଜଙ୍ଗଲ)ରେ ଏକ ଅଜଣା ଯୁବକଙ୍କ ଗଳିତ ମୃତଦେହ ପଡିଥିବାର ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ଖବର ପାଇ ତିରିଂ ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ଛାନଭିନ ଆରମ୍ଭ କରିଛି ।

ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ