ବାରିପଦା: ବାରିପଦା ଟାଉନ ଥାନା ଅନ୍ତର୍ଗତ ୧ ନମ୍ବର ୱାର୍ଡ ଅମ୍ବିକା ସାହିରୁ ଜଣେ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି। ସୂଚନା ଅନୁଯାୟୀ ଯୁବତୀ ଜଣଙ୍କ ଅମ୍ବିକା ସାହିରେ ଭଡାରେ ରହୁଥିଲେ। ଯୁବତୀ ଜଣଙ୍କ ହେଉଛନ୍ତି ଏକତା ଦାସ ସେ ବାରିପଦାର ଏକ ଘରୋଇ ବ୍ୟବସାୟିକ ସଂସ୍ଥାରେ ଆକାଉଣ୍ଟେଟ ଭାବେ କାର୍ଯ୍ୟ କରୁଥିଲେ ।
ତେବେ ଗତକାଲି ଅଫିସରୁ ଆସି ନିଜ ଓଢଣୀରେ ଫାଶୀ ଲଗାଇ ଆତ୍ମହତ୍ୟା କରିବା ସହ ଏକ ସୁଇସାଇଡ ନୋଟ ଲେଖିଥିବା ପୋଲିସ ପକ୍ଷରୁ ଜଣାପଡିଛି । ସେପଟେ ମୃତକଙ୍କ ଭଉଣୀ ଏହା ଆତ୍ମହତ୍ୟା ନୁହେଁ ବରଂ ହତ୍ୟା କରାଯାଇଛି ବୋଲି ଜଣେ ଯୁବକଙ୍କ ନାମରେ ଟାଉନ ଥାନାରେ ଅଭିଯୋଗ କରିଛନ୍ତି। ଟାଉନ ପୋଲିସ ସୁଇସାଇଡ ନୋଟ ଜବତ କରିବା ସହ ମୃତଦେବ ବ୍ୟବଚ୍ଛେଦ ପାଇଁ ପଠାଇଛି। ଅନ୍ୟପକ୍ଷରେ ଟାଉନ ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ