ନିଆଁରେ ପୋଡ଼ି ହୋଇ ମହିଳା ମୃତ

ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ଥାନା ଅନ୍ତର୍ଗତ ରାମଚନ୍ଦ୍ରପୁର ଗାଁର ଜଣେ ମହିଳା ନିଆଁରେ ପୋଡ଼ି ହୋଇ ପ୍ରାଣ ହରାଇଛନ୍ତି । ଅଧିକ ପଢ଼ନ୍ତୁ...

ବାରିପଦା: ଜିଲ୍ଲାର ରାସଗୋବିନ୍ଦପୁର ଥାନା ଅନ୍ତର୍ଗତ ରାମଚନ୍ଦ୍ରପୁର ଗାଁରେ ଅଘଟଣା । ଅମୀୟ ସାହୁଙ୍କ ନାମକ ବ୍ୟକ୍ତିଙ୍କ ପତ୍ନୀ ସୁକାନ୍ତି ସାହୁଙ୍କ ନିଆଁରେ ପୋଡି଼ ହୋଇ ମୃତ୍ୟୁ ହୋଇଥିବା ସୂଚନା।

ତେବେ ସୁକାନ୍ତି ନିଜ ଦେହରେ କିରାସିନି ଢାଳି ନିଆଁ ଲଗାଇ ଆତ୍ମହତ୍ୟା ଉଦ୍ୟମ କରିଥିଲେ ବୋଲି ଶ୍ଵଶୁର ଘର ଲୋକ କହିଛନ୍ତି । ନିଆଁରେ ପୋଡି ହେବା ପରେ ତାଙ୍କୁ ଗୁରୁତର ଅବସ୍ଥାରେ ବାରିପଦାସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡ଼ିକାଲ କଲେଜ ଆଣ୍ଡ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି। ତେବେ ମହିଳାଙ୍କ ମୃତ୍ୟୁର ସଠିକ କାରଣ ଜଣାପଡି ନଥିବାବେଳେ ଏହା ହତ୍ୟା ନା ଆତ୍ମହତ୍ୟା ସେନେଇ ରାସଗୋବିନ୍ଦପୁର ପୁଲିସ ଛାନ୍‌ଭିନ୍ କରୁଛି ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ