ବେକରେ ଲୁଗା ଲଗାଇ ମହିଳାଙ୍କ ଆତ୍ମହତ୍ୟା

ମୟୂରଭଞ୍ଜ ଜିଲ୍ଲା ସଦର ମହକୁମା ବାରିପଦା ସହର ୨୬ ନମ୍ବର ୱାର୍ଡ ଅଞ୍ଚଳରେ ଜଣେ ମହିଳାଙ୍କ ଆତ୍ମହତ୍ୟା । ଏବେ ଯାଏଁ ଆତ୍ମହତ୍ୟାର କାରଣ ଅସ୍ପଷ୍ଟ । ଅଧିକ ପଢନ୍ତୁ...

ବାରିପଦା: ମୟୂରଭଞ୍ଜ ଜିଲ୍ଲା ବାରିପଦା ସହର ୨୬ନଂ ୱାର୍ଡର ଜଣେ ମହିଳା ଘର ଭିତରେ ବେକରେ ଲୁଗା ଲଗାଇ ଆତ୍ମହତ୍ୟା କରିଛନ୍ତି । ମୃତ ମହିଳା ଜଣଙ୍କ ନା ସୁବାସିନି ମିଶ୍ର ହୋଇଥିବା ବେଳେ ତାଙ୍କ ଆତ୍ମହତ୍ୟାର କାରଣ ଏଯାଏଁ ଜଣାପଡିନାହିଁ ।

ସୂଚନା ଅନୁସାରେ ମହିଳା ଜଣକ ଅନେକ ଦିନରୁ ମାନସିକ ରୋଗରେ ପୀଡିତ ଥିବା ଜଣାପଡିଛି । ରବିବାର ମୃତକଙ୍କ ସ୍ବାମୀ ସଉଦା କିଣିବାକୁ ଯାଇଥିବା ବେଳେ ମହିଳା ଜଣକ ବେକରେ ଲୁଗା ଲଗାଇ ଆତ୍ମହତ୍ୟା କରିଛନ୍ତି । ଅନ୍ୟପକ୍ଷେ ତାଙ୍କର ଦୁଇ ପୁଅ ବାହାରେ ଚାକିରୀ କରନ୍ତି । ତେବେ ଘରେ କେହି ନଥିବା ସମୟରେ ସେ ଆତ୍ମହତ୍ୟା କରିଥିବା ଜଣାପଡିଛି । ଖବର ପାଇ ବାରିପଦା ଟାଉନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ