ବାରିପଦା: ଆଧୁନିକ ଯୁଗରେ ବି ଅନ୍ଧବିଶ୍ବାସର ବଶବର୍ତ୍ତୀ ହେଉଛି ମଣିଷ । ଆଜି ପୁଣି ମଣିଷ ଅନ୍ଧବିଶ୍ଵାସର ବଶବର୍ତ୍ତୀ ହୋଇ ନେଇଛି ଜୀବନ । ମୟୂରଭଞ୍ଜ ଜିଲ୍ଲାରେ ଡାହାଣୀ ସନ୍ଦେହରେ ହତ୍ୟାକାଣ୍ଡ ନୂଆ ନୁହେଁ । ତେବେ ଅଭିଯୁକ୍ତ ଜଣଙ୍କ ମହିଳାଙ୍କୁ ଡାହାଣୀ ସନ୍ଦେହରେ ହତ୍ୟାପରେ କଟାମୁଣ୍ଡ ଧରି ସିଧା ଥାନାରେ ଆତ୍ମସମର୍ପଣ କରିଛନ୍ତି । ଏଭଳି ଏକ ବର୍ବର କାଣ୍ଡ ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ଖୁଣ୍ଟା ଥାନା କରକଚିଆ ଗ୍ରାମରେ ।
ଡାହାଣୀ ସନ୍ଦେହରେ ମହିଳାଙ୍କୁ ହତ୍ୟା: କଟାମୁଣ୍ଡ ଧରି ଆତ୍ମସମର୍ପଣ କଲା ଅଭିଯୁକ୍ତ
ସୂଚନାନୁଯାୟୀ, କରକଚିଆ ଗ୍ରାମର ବୁଧୁରାମ ସିଂ ସେହି ଗାଁର ଚମ୍ପା ସିଂଙ୍କୁ ଡାହାଣୀ ସନ୍ଦେହରେ ଟାଙ୍ଗିଆରେ ହାଣି ମହିଳାଙ୍କ ମୁଣ୍ଡ ଅଲଗା କରିଛି । ମହିଳାଙ୍କ ହତ୍ୟା ପରେ କଟାମୁଣ୍ଡକୁ ଏକ ଅଖାରେ ଧରି ସିଧା ଥାନାରେ ଆତ୍ମସମର୍ପଣ କରିଛି ।