ନୃଶଂସ ପତି; କୋଦାଳରେ ପିଟି ପତ୍ନୀକୁ ହତ୍ୟା

ଟିକରପୋଡା ଗ୍ରାମରେ ଅଭାବନୀୟ ଘଟଣା । କୋଦାଳରେ ପିଟି ପତ୍ନୀଙ୍କୁ ହତ୍ୟା କରିଥିବା ଅଭିଯୋଗ ହୋଇଛି । ବାରିପଦା ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ଗିରଫ କରିଛି ।

ବାରିପଦା: ବାରିପଦା ସଦର ଥାନା ଅଧିନସ୍ଥ ଟିକରପୋଡା ଗ୍ରାମର ଜଣେ ବ୍ୟକ୍ତି ନିଜ ପତ୍ନୀଙ୍କୁ କୋଦାଳରେ ପିଟି ହତ୍ୟା କରିଛି । ଖବରପାଇ ବାରିପଦା ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ଗିରଫ କରିବା ସହ ଘଟଣା ସଂପର୍କରେ ଅନୁସନ୍ଧାନ ଚଳାଇଛି ।

ସୂଚନାଯୋଗ୍ୟ, ଗତକାଲି ବିଳମ୍ବିତ ରାତ୍ରିରେ ଘରୋଇ କଳହ କାରଣରୁ ଟିକରପୋଡା ଗ୍ରାମର କର୍ମୁ ସିଂ ନିଜର 13 ବର୍ଷୀୟ ଝିଅର ତଣ୍ଟି ଚିପି ହତ୍ୟା କରିବା ପାଇଁ ଉଦ୍ୟମ କରିଥିଲା । କିନ୍ତୁ ସୌଭାଗ୍ୟ କ୍ରମେ ଝିଅଟି ତା ହାତରୁ ଖସିଯାଇଥିଲା । ଏଥିରେ ଉତ୍ୟକ୍ତ ହୋଇ କର୍ମୁ ନିଜ ପତ୍ନୀ ସାବିତ୍ରୀ ସିଂଙ୍କ ତଣ୍ଟି ଚିପି ଦେଇଥିଲା । ଏହାସହ କୋଦାଳ ଆଣି ପିଟିବା ଦ୍ବାରା ଘଟଣାସ୍ଥଳରେ ସାବିତ୍ରୀଙ୍କର ମୃତ୍ୟୁ ହୋଇଥିଲା ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ