ରାଇରଙ୍ଗପୁର: ପାହାଡରେ ପଥର ଖଣି ଓ କ୍ରସରକୁ ଗ୍ରାମବାସୀଙ୍କ ବିରୋଧ । ମୟୂରଭଞ୍ଜ ଜିଲ୍ଲା ବହଳଦା ବ୍ଲକ ଅନ୍ତର୍ଗତ ହେନ୍ଦେବୁରୁ ପାହାଡରେ ସାମ୍ନାକୁ ଆସିଛି ଏଭଳି କିଛି ଦୃଶ୍ୟ । ଗିଦିଘାଟି ଗ୍ରାମପଞ୍ଚାୟତ ହେନ୍ଦେବୁରୁ ପାହାଡରେ ପଥର ଖାଦାନକୁ ବିରୋଧ କରି ହେଁସଦା, ତାରଣା ଏବଂ ଜଜଗୋଡା ଗ୍ରାମବାସୀ ଏକତ୍ରୀତ ହୋଇ ବିରୋଧ ପ୍ରଦର୍ଶନ କରିଛନ୍ତି ।
ହେନ୍ଦେବୁରୁରେ ପଥର ଖଣି ଏବଂ କ୍ରସରକୁ ଗ୍ରାମବାସୀଙ୍କ ବିରୋଧ
ଏହାକୁ ନେଇ ପେସା ଗ୍ରାମସଭା ସଭା ସଦସ୍ୟଙ୍କ ସହ ମହିଳା ପୁରୁଷ ମାନେ ପାରମ୍ପାରିକ ବେଶଭୁଷା ପିନ୍ଧିବା ସହ ଅସ୍ତ୍ରଶସ୍ତ୍ର ନେଇ ଏକ ଶୋଭାଯାତ୍ରା କରିଥିଲେ । ପେସା ଆଇନ ଜିନ୍ଦାବାଦ, ଲୋକସଭା ନା ରାଜ୍ୟସଭା ସବସେ ଉଁଚା ଗ୍ରାମସଭା ଭଳି ସ୍ଲୋଗାନ ଦେଇ ପାହାଡ ତଳକୁ ପହଞ୍ଚିଥିଲେ ଗ୍ରାମବାସୀ । ସେପଟେ ଖବର ପାଇ ଠିକା ସଂସ୍ଥାର ସୁପର ଭାଇଜର ମାନେ ପହଞ୍ଚି ଗ୍ରାମବାସୀଙ୍କ ସହ ଆଲୋଚନା କରିଥିଲେ । ତେବେ ସ୍ଥାନୀୟ ଲୋକେ କୌଣସିମତେ ପଥର ଖଣି ଓ କ୍ରସର ଆରମ୍ଭ କରିବାକୁ ସମର୍ଥନ କରିନଥିଲେ ।