ରାଇରଙ୍ଗପୁର : ମୟୂରଭଞ୍ଜ ଜିଲ୍ଲା ଶୁକୃଳି ତହସିଲରେ ଦିନକୁ ଦିନ ବୃଦ୍ଧି ପାଉଛି ପଥର ମାଫିଆଙ୍କ ପ୍ରାଦୁର୍ଭାବ । ଲିଜ ନାଁରେ ପଥର ମାଫିଆମାନେ ଲୁଟ କରି ଚାଲିଥିବାବେଳେ ପ୍ରଶାସନ ସାଜିଛି ନିରବ ଦ୍ରଷ୍ଟା । ଲୋକଙ୍କ ବାରମ୍ବାର ଅଭିଯୋଗ ସତ୍ତ୍ୱେ କର୍ଣ୍ଣପାତ କରୁନାହିଁ ପ୍ରଶାସନ । ତେବେ ଏଭଳି ଅଭିଯୋଗ ଦେଖିବାକୁ ମିଳିଛି ଶୁକୃଳି ତହସିଲ ଅନ୍ତର୍ଗତ ବଡ଼ବିଲ ଗ୍ରାମରେ ।
ବେଆଇନ ପଥର ବ୍ଲାଷ୍ଟିଂକୁ ବିରୋଧ କରିଛନ୍ତି ଗ୍ରାମବାସୀ
ଗ୍ରାମରେ ଥିବା ପଥର ଖଣିଟି ବିଶାଳ ଅଗ୍ରୱାଲ ନାମରେ ଅସ୍ଥାୟୀ ଲିଜ ଥିବାବେଳେ ପଥର ଖଣିରୁ ପଥର ଏବେ ବେଆଇନ ଭାବରେ ବ୍ଲାଷ୍ଟିଂ ହେଉଥିବା ଦେଖିବାକୁ ମିଳିଛି । ପଥର ଖାଦାନରୁ ମାତ୍ର ପାଞ୍ଚ ଶହରୁ ସାତ ସହ ମିଟର ଦୂରରେ ଘର ସବୁ ରହିଛି । ବ୍ଲାଷ୍ଟିଂ କରିବା ଫଳରେ ଦୋହଲି ଯାଉଛି ମାଟି ଏବଂ ଘର କାନ୍ଥମାନଙ୍କରେ ଫାଟ ମଧ୍ୟ ହେଉଛି । ଲୋକେ ଭୟଭିତ ଅବସ୍ଥାରେ ଦିନ କାଟୁଛନ୍ତି ।