ହାତୀ ଡରରେ ଜଙ୍ଗଲରେ ପଡିରହିଲା ଅଜଣା ମହିଳାଙ୍କ ମୃତଦେହ

ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ବନଖଣ୍ଡ ଅଧିନ ସରଗଡା ସେକ୍ସନ ଟଙ୍ଗର ସଂରକ୍ଷିତ ଜଙ୍ଗଲରୁ ଅଜଣା ମହିଳାଙ୍କ ମୃତଦେହ ଠାବ ।

ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ବନଖଣ୍ଡ ଅଧିନ ସରଗଡା ସେକ୍ସନ ଟଙ୍ଗର ସଂରକ୍ଷିତ ଜଙ୍ଗଲରୁ ଅଜଣା ମହିଳାଙ୍କ ମୃତଦେହ ଠାବ ହୋଇଛି । ଟଙ୍ଗର ସଂରକ୍ଷିତ ଜଙ୍ଗଲରେ ଅପରାହ୍ନ ସମୟରେ ଏକ ମହିଳାଙ୍କ ମୃତଦେହ ପଡ଼ିଥିବା ଦେଖି ସରଗଡା ସେକ୍ସନ ଫରେଷ୍ଟର କାଶିନାଥ ହାଁସଦା ରାଇରଙ୍ଗପୁର ବନଖଣ୍ଡ ଅଧିକାରୀଙ୍କୁ ଜଣାଇଥିଲେ ।

ଖବର ପାଇ ଗୋରୁମହିଷାଣୀ ପୋଲିସ ମଧ୍ୟ ପହଞ୍ଚିଥିଲା । ଟଙ୍ଗର ସଂରକ୍ଷିତ ଜଙ୍ଗଲରେ ହାତୀ ବାହାରୁଥିବା ନେଇ ଶୁକ୍ରବାର ମୃତଦେହକୁ ଉଦ୍ଧାର କରାଯାଇ ପାରିନଥିବା ବେଳେ ଆଜି(ଶନିବାର) ଉଦ୍ଧାର କରାଯିବ ବୋଲି ଜଣାପଡିଛି ।

ତେବେ ମହିଳାଙ୍କ ପରିଚୟ ଅସ୍ପଷ୍ଟ ରହିଛି । କେହି ଦୁର୍ବୃତ୍ତ ତାଙ୍କୁ ପାଶବିକ ଅତ୍ୟାଚାର କରି ହତ୍ୟା କରି ଜଙ୍ଗଲରେ ଫୋପାଡି ଦେଇଥିବା ଅନୁମାନ କରାଯାଉଛି । ଆଜି(ଶନିବାର) ଗୋରୁମହିଷାଣୀ ପୋଲିସ ଓ ବାରିପଦାରୁ ସାଇଣ୍ଟିଫିକ ଟିମ୍ ଆସି ଘଟଣାର ଛାନଭିନ ଆରମ୍ଭ କରିବେ ବୋଲି ସୂଚନା ରହିଛି ।

ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ