ରାଇରଙ୍ଗପୁର: ଓଡିଶା-ଝାଡଖଣ୍ଡ ସୀମା ବେଣୀସାଗର ନିକଟରେ ପୋଲିସ କର୍ମଚାରୀଙ୍କୁ ସଂଘବଦ୍ଧ ଆକ୍ରମଣ ଘଟଣାରେ 2 ଜଣଙ୍କୁ ଗିରଫ କରିଛି ରରୁଆଁ ପୋଲିସ ।
ସୂଚନା ଅନୁଯାୟୀ ଗତ ଗୁରୁବାର ଦିନ ମୟୂରଭଞ୍ଜ ଜିଲ୍ଲାର ରରୁଆଁ ଥାନା ପୋଲିସ ଲକଡାଉନ ଯୋଗୁଁ ଓଡ଼ିଶା-ଝାଡ଼ଖଣ୍ଡ ସୀମା ବେଣୀସାଗର ନିକଟରେ ଗାଡ଼ି ମଟର ଯାଞ୍ଚ କରୁଥିଲେ । ଝାଡ଼ଖଣ୍ଡ ରାଜ୍ୟ ମଝିଗାଁ ଥାନା ଅଧୀନ କୁଳପୋଷି ଗ୍ରାମର ପ୍ରାୟ ୧୫ ରୁ ୨୦ ଜଣ ଅସାମାଜିକ ବ୍ୟକ୍ତି ସେଠାରେ ପହଞ୍ଚି ବାଇକ, ଗେଟ, ଚେୟାର ଭଙ୍ଗାରୁଜା କରିବା ସହିତ ପୋଲିସ କର୍ମଚାରୀମାନଙ୍କୁ ମଧ୍ୟ ମରଣାନ୍ତକ ଆକ୍ରମଣ କରିଥିଲେ । ଘଟଣାରେ 4 ଜଣ ପୋଲିସ କର୍ମୀ ଆହତ ହୋଇଥିଲେ ।