ବାରିପଦା: ମୟୂରଭଞ୍ଜ ଲୋକସଭା ସାଂସଦଙ୍କ ପାଣ୍ଠିରେ ଜାଲିଆତି ଅଭିଯୋଗ । ସାଂସଦଙ୍କ ଜାଲ ଦସ୍ତଖତ ଓ ହାତପାଣ୍ଠି କାମରେ ଅନିୟମିତତା ଅଭିଯୋଗରେ 2 ଜଣ ଗିରଫ । ସାଂସଦ ବିଶେଶ୍ବର ଟୁଡୁ ବାରିପଦା ଟାଉନ ଥାନାରେ ଅଭିଯୋଗ ପରେ 2 ବିଜେପି କର୍ମୀଙ୍କ ଗିରଫ କରାଯାଇଛି । ସାଂସଦଙ୍କ ଆଗୋଚରରେ ହାତପାଣ୍ଠିରୁ କାମ ବଣ୍ଟନ ହେଉଥିଲା । ସାଂସଦଙ୍କ ଦସ୍ତଖତ ଜାଲ କରି ଏମିତି ହେଉଥିଲା ବୋଲି ଖୋଦ ସାଂସଦ ଅଭିଯୋଗ କରିଛନ୍ତି ।
ସାଂସଦଙ୍କ ଜାଲ ଦସ୍ତଖତରେ ସାଂସଦ ପାଣ୍ଠି ବଣ୍ଟନ ଅଭିଯୋଗ, ଦୁଇ ଗିରଫ
ଅଭିଯୋଗ ଅନୁଯାୟୀ, ମୟୂରଭଞ୍ଜ ସାଂସଦଙ୍କ ଉନ୍ନୟନ ପାଣ୍ଠିରୁ ଜାଲ ଦସ୍ତଖତ କରି ଭାରତୀୟ ଜନତା ପାର୍ଟିର ଦୁଇଜଣ କର୍ମୀ ସାଂସଦ ପାଣ୍ଠିରୁ କାମ କରିଛନ୍ତି। ଜିଲ୍ଲା ଆଦିବାସୀ ସମନ୍ୱୟ ଉନ୍ନୟନ ସଂସ୍ଥାରେ କାମ କରିଛନ୍ତି। ଆଇଟିଡିଏ ବାରିପଦାରେ 2ଟି ପ୍ରକଳ୍ପ ଓ ମୋରଡା ପଞ୍ଚାୟତର ଗୋଟିଏ କାମ ରହିଛି । ବାରିପଦା ଟାଉନ 22 ନମ୍ବର ୱାର୍ଡରେ ହୋଇଥିବା ପ୍ରକଳ୍ପ ଠିକ ସ୍ଥାନରେ ହୋଇନଥିବାରୁ ମୋରଡା ବ୍ଲକରେ ଛଉ ପେଣ୍ଡାଲ କାର୍ଯ୍ୟରେ ଜେଇ ଓ ଏଇ ସନ୍ଦେହ ପ୍ରକାଶ କରିଥିଲେ ।