ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ବ୍ଲକ ଚାକଦରରେ ମକର ମେଳା ବା ଟୁସୁ ମେଳା ପାଳିତ ହୋଇଛି । କୋଭିଡର ସମସ୍ତ ନିୟମକୁ ମାନି ମକର ମେଳା ବା ଟୁସୁ ମେଳା ଅନୁଷ୍ଠିତ ହୋଇଥିବା ଜଣାପଡିଛି । କେବଳ ପରମ୍ପରା ରକ୍ଷା କରିବା ପାଇଁ ଚଳିତ ବର୍ଷ ମେଳାରେ ଟୁସୁ ପରିବର୍ତ୍ତେ ଚଢଲ ପ୍ରଦର୍ଶନ ହୋଇଥିଲା, ଯାହାକି ଅଳ୍ପ ସଂଖ୍ୟକ ଶ୍ରଦ୍ଧାଳୁଙ୍କୁ ନେଇ ଅନୁଷ୍ଠିତ ହୋଇଛି ।
ମୟୂରଭଞ୍ଜରେ ଟୁସୁ ମେଳା ପାଳିତ ପରମ୍ପରା ଅନୁଯାୟୀ ଶ୍ରଦ୍ଧାଳୁମାନେ ଟୁସୁ ଗୀତ ଗାଇ ଟୁସୁ ମୁନିଙ୍କୁ ଆରାଧନା କରିଥାନ୍ତି । ମେଳାରେ ଢୋଲ ମାଦଳର ତାଳେ ତାଳେ ଟୁସୁ ଗୀତ ଗାଇ ନାଚିବା ପରମ୍ପରା ବର୍ତ୍ତମାନର ଇଣ୍ଟରନେଟ ଯୁଗରେ ମଧ୍ୟ ନିଜର ସତ୍ତାକୁ ବଜାୟ ରଖିବା ସହ ମୟୂରଭଞ୍ଜବାସୀଙ୍କୁ ଟୁସୁ ସଂସ୍କୃତିର ବନ୍ଧନରେ ବାନ୍ଧି ରଖିପାରିଛି । କୋଭିଡର ସମସ୍ତ କଟକଣାକୁ ମାନି ଏଥର ମଧ୍ୟ ଅଞ୍ଚଳବାସୀ ଟୁସୁ ମେଳା ପାଳିଛନ୍ତି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
